ޕީޖީގެ އިރުޝާދު ވަރަށް ސާފުކަމާށާއި ފަހުން ދައުވާ ކޮށްފާނެކަމެއް ކުރައްވަން ބޭނުންފުޅު ނުވާކަމަށް އައްޑޫ މީދޫ ދާއިރާގެ އެމްޑީޕީ މެމްބަރ ރޮޒައިނާ އާދަމް ވިދާޅުވެއްޖެއެވެ.
އޭނާ މިހެން ވިދާޅުވެފައިވަނީ ޑިރެކްޓަރ ޖެނަރަލް އޮފް ޕަބަލިކް ހެލްތްގެ އަމުރު ތަންފީޒު ކުރައްވާނެކަމަށް ވިދާޅުވެ ޕިޖީ ޝަމީމް ކުރިން ކުރައްވައިފައިވާ ޓްވީޓެއް ރިޓްވިޓް ކުރައްވަމުންނެވެ. އެޓްވީޓްގައި ޕީޖީ ވިދާޅުވެފައި ވަނީ ޑީޖީ މައިމޫނާ ވިދާޅުވާ ކަމެއް އަކުރުން އަކުރަށް ރަނުން ރަނަށް ތަންފީޒު ކުރައްވާނެކަމަށެވެ. އިތުރަށް ޕީޖީ ވީޑާޅުވެފައި ވަނީ މަޑުމައިތިރިކަންމަތީގައި ތިބެ މައިމޫނާގެ ބަސް އެހުމަށެވެ.
"ޕީޖީ މިހެން ވިދާޅުވެފައި އޮތީ، އިންސްޓަރަކްޝަން ވަރަށް ސާފު. އެޗްޕީއޭގެ ހުއްދަޔާ ނުލައި، ހުރިހާ ރައްޔިތުންގެ ސަލާމަތަށަޓަކައި ކޮށްފައިވާ އަމުރަކާ ޚިލާފަށް، އަޅުގަނޑު ބޭނުމެއް ނުން ، އަޅުގަނޑުގެ މައްޗަށް ފަހުން ދައުވާ ކޮށްފާނެކަމެއް ކުރާކަށް" މެމްބަރ ރޮޒައިނާ ވިދާޅުވިއެވެ.
މި ހެން ވިދާޅުވެ ކުރެއްވި ޓްވީޓްގެ ކުރިން މެމްބަރ ރޮޒައިނާ ވިދާޅުވެފައިވަނީ އޭނާ މާދަމާ މަޖިލީސް ކުރާ ގޭގައި ބާއްވާ ޖަލްސާއަށް ވަޑައިގަންނަވާނީ އެޗްޕީއޭގެ ހުއްދަ ހޯއްދަވައިގެން ކަމަށެވެ.
ތިއީ އެއްވެސް އިދާރާއަކުން ނަގަންޖެހޭ ހުއްދައެއް ނޫން. ރައީސުލްޖުމްހޫރިއްޔާ އިއުލާނު ކުރައްވާ ކުއްލި ނުރައްކަލުގެ ހާލަތުގައިވެސް ގާނޫނު އަސާސީގެ ދަށުން ރައްޔިތުންގެ މަޖިލީހުގެ ޖަލްސާ ބޭއްވުން ހުއްޓުވުމުގެ ބާރެއް ރައީސްއަށްވެސް އަދި އެހެން ފަރާތަކަށްވެސް ނޯވޭ. އެހެން ވީއިރު އާދައިގެ ގާނޫނަކުން ޑިރެކްޓަރ ޖެނެރަލް އޮފް ހެލްތަށް ރައްޔިތުންގެ މަޖިލިސް ހުއްޓުވުމުގެ ބާރު އޮންނާނެ އެއްވެސް ގާނޫނީ ހަމައެއް ނެތް. ރައީސްއަށްވެސް ނޯންނަ ބާރެއް ޑީޖީއަށް ކިހިނެއް އޮންނާނީ؟