ރާއްޖެއިން އިތުރު މީހަކު ކޮވިޑް-19އަށް ޕޮޒިޓިވް ވެއްޖެއެވެ. މިފަހަރު ވެސް ޕޮޒިޓިވް ވެފައިވަނީ ބިދޭސީއެކެވެ.
ހެލްތު ޕްރޮޓެކްޝަން އެޖެންސީ (އެޗުޕީއޭ) އިން ވިދާޅުވެފައިވަނީ ކޮވިޑް-19 މިފަހަރު ޕޮޒިޓިވް ވެފައިވަނީ ކުރެއްދޫ އައިލެންޑް ރިސޯޓުގެ މީހަކަށް ކަމަށެވެ. މީގެ ކުރިން ވެސް އެރިސޯޓުން ވަނީ ޕޮޒިޓިވް 4 ކޭސް ފެނިފައެވެ. މި މީހާ ޕޮޒިޓިވް ވުމުން ރާއްޖެއިން މިބައްޔަށް ޕޮޒިޓިވްވި މީހުންގެ އަދަދު 10 އަށް ވަނީ އަރައިފައެވެ.
ކުރެއްދޫގެ އިތުރުން، ބަތަލާ އިންނާއި، ކުރަމަތި ރިސޯޓުންނާއި،އަނަންތަރާ ދިގު މޯލްޑިވްސްއިން ވެސް ވަނީ މިބައްޔަށް މީހުން ޕޮޒިޓިވް ވެފައެވެ. މިހާތަނަށް ޕޮޒިޓިވް ވި އެންމެންނަކީ ވެސް ބިދޭސީންނެވެ. އަދި ވެސް ގެންދަވަނީ ބައެއް ސާމްޕަލްތައް ޓެސް ކުރަމުންނެވެ.
އިތުރު ރިސޯޓުތަކުން ވަނީ ކޮވިޑް-19 އަށް ޝައްކު ކުރެވޭ މީހުން ފެނިފައެވެ. އެހެން ކަމުން އެރިސޯޓުތައްވަނީ މޮނިޓަރިން ހާލަތަށް ގެނެސްފައެވެ. ސަރުކާރުގެ ކަމާބެހޭ ފަރާތްތަކުން ގެންދަނީ މިފަދަ ހާލަތުގައި އެންމެން ގުޅިގެން މަސައްކަތްކޮށް ކަމާބެހޭ ފަރާތްތަކުންދޭ އިރުޝާދު ތަކަށް ފުރިހަމައަށް އަމަލު ކުރުމަށެވެ.
