ސީރިއާގައި ތިބި ބައެއް ދިވެހީން ރާއްޖެ ގެންނެވުމަށް ސަރުކާރުން ނިންމެވުމުން ކަމާބެހޭ އޮފީސްތަކާ ގުޅިގެން ބަލަންޖެހޭ ކަންކަން ކުރަމުންދާ ކަމަށް ފުލުހުން ވިދާޅުވެއްޖެއެވެ.
އެހެންނަނަމަވެސް އެކަމާބެހޭ ގޮތުން އިތުރު ތަފްސީލެއް ފުލުހުން ހާމައެއް ނުކުރައްވައެވެ. ފުލުހުން ވިދާޅުވީ އެއްވެސް އިރެއްގައި ދިވެހި ފުލުހުންގެ ޓީމެއް ނުވަތަ ޓީމުތަކެއް ސީރިއާއަށް ގޮސްފައި ނުވާ ކަމަށާއި މިހާރުވެސް އެގައުމުގައި ދިވެހި ފުލުހުންގެ ޓީމެއް ހަރަކާތެރިވަމުން ނުދާކަމަށެވެ.
ދިވެހި ފުލުހުންގެ ޓީމަކުން ސީރިއާގައި ހަރަކާތްތެރިވަމުންދާ ކަމަށް ބައެއް ފަރާތްކުންވަނީ ބުނެފައެވެ. އެހެންނަމަވެސް އެއީ ހަގީގަތާ ޚިލާފު ވާހަކައެއް ކަމަށް ފުލުހުން މިވަނީ ވިދާޅުވެފައެވެ.
ވިއަވަތީ މަހާސިންތާގައި ވާހަކަ ދައްކަވަމުން ޕޮލިސް ކޮމިޝަނަރ މުޙައްމަދު ހަމީދު ވިދާޅުވެފައިވަނީ 423 މީހުން ސީރިއާއށް ދާން މަސައްކަތް ކޮށްފައިވާ ކަމަށެވެ. އޭގެތެރެއިން ސީރިއާއަށް ދެވިފައިވަނީ 173 މީހުންނަށް ކަމަށް ވެސް ސީޕީ ވިދާޅުވެފައިވެއެވެ. ރާއްޖެއިން ސީރިއާއަށް ދިޔަ މީހުންގެ ތެރެއިން 90 ޕަސެންޓު މީހުންވަނީ މަރުވެފައެވެ.
ފިރިން މަރުވުމުން ހުވަފަތްވެފައިވާ ބައެއް އަނބީންނާއި ޔަތީމުވެފައި ތިބި ބައެއް ކުދިން މިހާރު އުޅެމުންދަނީ ރެފިޔުޖީ ބައެއް ކޭމްޕުތަކުގައެވެ.
