މަގުމަތީގެ ސަލާމަތާއި ރައްކާތެރި ކަމަށް އެސްޓީއޯ މުވައްޒަފުން ހޭލުންތެރި ކުރުމުގެ ޕްރޮގްރާމެއް މިއަދު ފަށައިފިއެވެ.
މިއީ ފުލުހުންނައި އެސްޓީއޯ ގުޅިގެން ކުރިއަށް ގެންދާ އިންހައުސް ޕްރޮގްރާމެކެވެ. މި ޕްރޮގްރާމުގައި މަޢުލޫމާތު ދެއްވަނީ އެދާއިރާގައި މަސައްކަތް ކުރައްވާ ތަޖުރިބާކާރު ފުލުހުންނެވެ.
މި ޕްރޮގްރާމުގައި މަގުމަތި ބޭނުންކުރާނެ ގޮތާއި، ސަލާމަތާއި ރައްކާތެރިކަމާއި، މަގުމަތީގެ ޤަވާއިދުތަކާއި މިހެންގޮސް ޓްރެފިކާ ބެހޭ މަޢުލޫމާތު ވެސް ދިނުމަށް ވަނީ ހަމަޖެހިފައެވެ.
އެސްޓީއޯއިން ވިދާޅުވީ އެކިކަންކަމާބެހޭ މަޢުލޫމާތު ދިނުމުގެ މިފަދަ ޕްރޮގްރާމްތައް ދޭތެރެދޭތެރެއިން އެސްޓީއޯއިން ކުރިއަށް ގެންދާ ކަމަށެވެ.
