ސީލައިފް ގްލޯބަލް އިންކް ޕްރައިވެޓް ލިމިޓެޑުގެ ވެރިޔާ ވ. އަތޮޅު ތިނަދޫ، އަޙުމަދު މޫސާ ހޯދުމަށް އިންޓަޕޯލުން ރެޑް ނޯޓިސް ނެރެފިއެވެ. އޭނާ ހޯދަން އިންޓަރޕޯލް ރެޑު ނޯޓިސް ނެރުނީ އެނާ ހޯދުމަށް އެތަނުގެ އެހީއަށް ދިވެހި ފުލުހުން އެދުމުންނެވެ. އޭނާ ހޯދަނީ މަކަރާއި ޙީލަތް ހެދުމުގެ މައްއްސަލައެއްގައެވެ.
އަޙުމަދު މޫސާ ވަނީ އެކި މީހުންނަށް ފުލެޓު ވިއްކާނެ ކަމަށް ބުނެ އެތައް ބައެއްގެ އަތުން މަކަރާއި ޙީތަލުން ފައިސާ އަތުލުމަށްފަހު އެއަށް ޚިޔާނާތްތެރިވެފައެވެ. އޭނާ ވަނީ މީހުންގެ އަތުން ބޮޑެތި ޢަދަދން ފައިސާ ނަގައިފައި ކަމަށް ފުލުހުން ވަނީ ވިދާޅުވެފައެވެ.
އެކުންފުންޏާ ދެކޮޅަށް ދަޢުވާ ކޮށްދިނުމަށް އެދި އެތައް ބަޔަކު ގެންދަނީ ފުލުހުންނަށް މައްސަލަ ހުށަހަޅަމުންނެވެ. އެ ކުފުންޏާ ދެކޮޅަށް ހިނގާލުމެއް ބާއްވަން ވެސް ބަޔަކު ތައްޔާރުވަމުންދާ ކަމަށް މަޢުލޫމާތު ވަނީ ލިބިފައެވެ.
