މިއަދު މާލެއަށް ކުރި ވިއްސާރައިގައި ފެން ބޮޑު ވުމުގެ ސަބަބުން ފެން ހިއްކުމަށް ކުރިއަށް ގެންދާ އޮޕަރޭޝާން ކުިރއަށްދާ ގޮތް ރައީސް އިބްރާހީމް މުޙައްމަދް ޞާލިޙް ބައްލަވާލައްވައިފިއެވެ. އޮޕަރޭޝަން ކުރިއަށް ދާގޮތް ބެއްލެވުމަށް އެަމަނިކުފާނު ކަޅުތުއްކަލާ ކޮށްޓަށް ވަޑައިގެންނެވީ މިރެގެ ވަގުތެއްގައެވެ.
މިީޑިއާ އަށް މައުލޫމާތު ދެއްވަމުން ރައީސް ވިދާޅުވީ 160 އާއިލާ އަކަށް ވިއްސާރައިގެ ސަބަބުން އަސަރުކޮށްފައިވަ ކަމަށެވެ. އަދި ދެ ގަޑިއެއްހާ އިރު ވާރެ ނުވެހި އޮވެއްޖެނަމަ ފެން ހިއްކާލެވޭ ވަރު ވާނެ ކަމަށް ސިފައިން މައުލޫމާތު ދެއްވި ކަމަށް ވެސް އެމަނިކުފާނު ވިދާޅުވިއެވެ.
ވިއްސާރަވެ މާލޭގެ މަގުތަކުގައި ފެންބޮޑުވެ، އެ މައްސަލަ ހައްލު ކުރުމުގައި ދަތިތަކެއް ދިމާވީ ފެން ހިނދުމަށް ބަހައްތާފައި ހުރި ޕަންޕުތައް ހަލާޚުވެފައި ހުރުމުންކަމަށް ސިފައިން އެމަނިކުފަނަށް މައުލޫމާތު ދެއްވިކަމަށް ވެސް ރައިސް ވިދާޅުވިއެވެ.
MNDF in Male' City Ge Fen Hikkumah Kuriyah Gendhaa Operation ge Masaikai dhaagoi Bahlavaalehvumah Raeesuljumhooriyaa adhi Sifainge Enme Mathee Veriyaa Ibrahim Mohamed Solih Kalhuthuhkalaakottah Kurevvi Ziyaarai pic.twitter.com/9DMe926KC8
— Maldives National Defence Force (@MNDF_Official) December 5, 2018
