އަށް މީހުންނާއެކު މާލެއިން ފުރައިގެން ލ.ގަމަށް ދަތުރުކުރި "ނީލްވިލާ" ނަމަކަށް ކިޔާ ބޯޓެއް ފަރަކަށް އަރައިފިއެވެ.
އެބޯޓު އަރައިފައިވަނީ މ.މުލަކު ފަރަށް ކަމަށް އެމްއެންޑީއެފް އިން މައުލޫމާތު ދެއްވިއެވެ. އެމްއެންޑީއެފުން ވިދާޅުވީ އެ ބޯޓަށް އެހީވުމަށް ސެންޓްރަލް އޭރިއާ ކޯސްޓްގާޑް ސްކޮޑްރަންއިން ގެންދަވަނީ މަސައްކަތް ކުރަމުން ކަމަށެވެ.
މި ހާދިސާގެ މަޢުލޫމާތު ލިބިފައިވަނީ ރޭ 19:50 އެހައިކަންހާއިރު ކަމަށް އެމްއެންޑީއެފުން ވިދާޅުވިއެވެ.
މި ހާދިސާގައި ފަރަށް އެރި ދޯނި ފުންކުރުމުގެ މަސައްކަތް ދޯނީގެ ވެރިފަރާތާއި އެމްއެންޑީއެފްގެ ޑައިވަރުން ގުޅިގެން ދަނީ ކުރަމުންނެވެ. އެއިން ދަތުރު ކުރި 8 މީހުންގެ ތެރޭގައި ހިމެނެނީ 5 ދިވެހިންނާއި 3 ބިދޭސީންނެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
