މައުމޫން ޢަބްދުލްޤައްޔޫމް ގެ ލިޔުންތައް

ރައީސް މައުމޫން ޢަބްދުލްޤައްޔޫމަކީ ދިވެހިރާއްޖޭގެ އެންމެ ބޮޑެތި ޢިލްމުވެރިންގެ ތެރޭގައި ހިމެނިވަޑައިގަންނަވާ ބޭފުޅެކެވެ. ކިޔަވައިވިދާޅުވީ މިސުރުގެ ޖާމިޢުލްއަޒްހަރުންނެވެ. އެމަނިކުފާނު ވަނީ ދީނީ އެތައް ފޮތެއް ލިޔުއްވައި ޝާއިއުކުރައްވައިފައެވެ. ދިވެހިރާއްޖޭގެ ރައީސުލްޖުމްހޫރިއްޔާގެ މަގާމުގައި ހުންނެވި އިރު "ދީނުގެ މަގު" ގެ ނަމުގައި ކޮންމެ ހުކުރު ދުވަހަކު ނޫހެއް ނެރުއްވިއެވެ. މި ނޫސް ވެގެން ދިޔައީ ރާއްޖޭގައި އެންމެ ގިނަ ދުވަސް ވާންދެން ނެރުނު މިފަދަ ނޫހަށެވެ. މިހާރުވެސް ރައީސް މައުމޫން ގެންދަވަނީ ނޫސްމަޖައްލާތަކަށް ލިޔުއްވަމުން ދީނީ ފޮތް ނެރުއްވައި ހިލޭ ބައްސަވަމުންނެވެ.