ބަނގުރާފުޅިތަކަކާއެކު ބިދޭސީއެއް ހައްޔަރުކޮށްފިއެވެ.
ހުޅުމާލެއަށް ދަތުރުކުރަމުންދިޔަ ވޭނެއް ބަލައި ފާސްކޮށް 75 ފުޅި ބަނގުރަލާއެކު ހައްޔަަރުކޮށްފައިވަނީ ވޭން ދުއްވި ނޭޕާލްއަށް ނިސްބަތްވާ އުމުރުން 37 އަހަރުގެ ތިރްތާ ބަހާދުރްއެވެ.
ފުލުހުން ބުނީ ބަނގުރާ ކަމަށް ޝައްކު ކުރެވޭ އެއްޗެއް ހުރި ފުޅިތަކެއް އަޅާފައި ހުރި ފޮށިތަކެއް އަރުވައިގެން ވޭނެއް ހުޅުމާލެއަށް ދަތުރުކުރާ ކަމަށް ލިބުނު މައުލޫމާތަކާ ގުޅިގެން ރޭ 9:46 ހާއިރު ހުޅުމާލެ ރީތިގަސް މަގުން އެ ވޭން ހުއްޓުވައި ބަލައިފާސްކޮށްފައިވާ ކަމަށެވެ. އަދި ބަލައިފާސްކުރިއިރު ބަނގުރާ ކަމަށް ބެލެވޭ އެއްޗެއް ހުރި ގިނަ އަދަދެއްގެ 500 އެމްއެލްގެ ފުޅިތަކެއް ފެނިފައިވާ ކަމަށެވެ.
ވޭން ބަލައިފާސްކުރިއިރު ބަނގުރާ ކަމަށް ބެލެވޭ އެއްޗެއް ހުރި 500 އެމްއެލްގެ 75 ފުޅި ފެނިފައިވާ ކަމަށް ފުލުހުން މައުލޫމާތު ދެއެވެ.
ފުލުހުން އިތުރަށް ބުނީ ވޭން ޓޯކޮށް މި މައްސަލަ ތަހުގީގުކުރަމުންގެންދާ ކަމަށެވެ.