އައްޑޫ ސިޓީ ކައުންސިލުން ރައްޔިތުންނާ ބައްދަލު ކުރައްވަން ނިންމަވައިފިއެވެ.
ސިޓީ ކައުންސިލުން ވިދާޅުވީ މި ބައްދުވުން އޮންނާނީ މިހިނގާ ފެބުރުއަރީ މަހު 27 ވަނަ ދުވަހުގެރޭ 8:30 ގައި ކަމަށެވެ. ބައްދަލުވުން އޮންނާނީ އައްޑޫ ސިޓީ ކައުންސިލް އިދާރާގައެވެ.
މި ބައްދަލުވުމުގައި މިދިޔަ އަހަރު ކައުންސިލުން ހިނގާފައިވާ ކަންކަންކަމާ ބެހޭ ރިޕޯޓު ހުށަހެޅުމާއި، މި އަހަރު ހިންގުމަށް ހަމަޖެހިފައިވާ ކަންކަމާބެހޭ މައުލޫމާތު ހިއްސާ ކުރެއްވުން އޮންނާނެ ކަމަށްވެސް ސިޓީ ކައުންސިލުން ވިދާޅުވިއެވެ.
މިއީ "ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ 110 ވަނަ މާއްދާގައިވާ ގޮތުގެ މަތީން،" ބާއްވާ ބައްދަލުވުމެކެވެ.
މިބައްދަލުވުމުގައި އައްޑޫ ސިޓީގެ ވީހާވެސް ގިނަ ބޭފުޅުން ބައިވެރިވެ ވަޑައިގެންނެވުމަށް ސިޓީ ކައުންސިލުންވަނީ އެދިވަޑައިގެންފައެވެ.
