މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ގެ ޗީފް އެގްޒެކެޓިވް އޮފިސަރުގެ މަޤާމަށް ބޭފުޅަކު އައްޔަން ކުރައްވައިފިއެވެ.
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާގެ ސްޓޭޓް މިނިސްޓަރުގެ މަގާމަށް އައްޔަން ކުރައްވާފައިވަނީ މަރްޔަމް ފިޒާނާ ރަޝީދުއެވެ.
އެމްކިއުއޭގެ ސީއީއޯއަކަށް ފިޒާނާ ޢައްޔަނުކުރެއްވުމާގުޅިިގެން މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. މަރްޔަމް މާރިޔާ ވަނީ ފިޒާނާއާ ބައްދަލުކުރައްވާ، މަރުހަބާ ދަންނަވާފައެވެ. އަދި އެތަނުގެ އިސް މެނޭޖްމަންޓާއެކު، އެމްކިއުއޭގެ މަސައްކަތްތަކާގުޅޭގޮތުން މަޝްވަރާކުރައްވާފައެވެ.
ފިޒާނާ ވަނީ މެލޭޝިޔާގެ އޯޕެން ޔުނިވަރސިޓީން މާސްޓަރސް ޑިގްރީ ހާސިލްކުރައްވާފައެވެ. ފިޒާނާ މީގެކުރިން ވަނީ އެމްކިއުއޭގެ ޑައިރެކްޓަރ ޖެނެރަލްގެ މަޤާމްވެސް ފުރުއްވާފައެވެ. އަދި ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އެޑިޔުކޭޝަންގެ ޑީން އަދި ލެކްޗަރަރގެ މަޤާމްވެސް އަދާކުރައްވާފައެވެ.
މީގެ ކުރިން އެމްކިއުއޭގެ ސީއީއޯއަކަށް ހުންނެވީ ޑރ. އަބްދުލް ހައްނާން ވަހީދެވެ.
