ހިޔާ ފްލެޓުތަކުގެ ކުލީގެ މުއްދަތު އިތުރުކުރީ އިންތިޚާބަކަށް ނޫން ކަމަށް ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވެއްޖެއެވެ.
ރައީސް އޮފީހުގައި ކުރިއަށްދާ ނޫސްވެރިންގެ ބައްދަވުމުގައި އަކްރަމް ވިދާޅުވީ ކުލި ދައްކާ މުއްދަތު އިތުރުކުރަން ސަރުކާރުން ނިންމީ އެތަނުގައި ދިރިއުޅޭ މީހުން ކުލި ދެއްކުމުގައި ލުއި ފަސޭހަކޮށްދިނުމުގެ ގޮތުން ކަމަށެވެ.
އޭނާ ވިދާޅުވީ ފްލެޓުތަކުގެ ފިނިޝިންގ ނުނިންމާ ހުރުމުގެ ސަބަބުން ފްލެޓު ލިބުނު މީހުން ބޮޑެތި ހޭދަތަކެއް ކުރަން ޖެހުނު ކަމަށާއި މި ގެނައި ބަދަލާ އެކީ، އެތަންތަނަށް ދައްކަން ޖެހޭ އަގު ދައްކައި ނިންމަން ކުރިން ދީފައި އޮތް 25 އަހަރުގެ މުއްދަތު މިހާރު ވަނީ 32 އަހަރަށް ދަންމާލާފައި ކަމަށެވެ.
އާބަންކޯގެ މެނޭޖިން ޑިރެކްޓަރު އަހުމަދު އާތިފު ވިދާޅުވީ ކުއްޔަށް ލުއި ދޭން ނިންމީ އެވްރެޖުކޮށް ހިޔާގެ ފިނިޝިންގ މަސައްކަތަށް 130،000ރ. ޚަރަދުވާނެ ކަމަށް ބެލުމަށް ފަހު ކަމަށެވެ.
އެހެންކަމުން ހުޅުމާލޭ ދެ ވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތަކުގެ ކުލި މިހާރުވަނީ ހަތް އަހަރުގެ މުއްދަތަށް 5،300 ރުފިޔާއަށް ކުޑަކޮފައެވެ.
މިއޮންހާދު ަަހުކިޔާކިޔާ ބަދަލެއްނުގެނެސް ދެންކޮންކަމަންތޯ