މުޖުތަމަޢުގެ ކޮންމެކަމެއްގައި ހަމަހަމަކަމާއެކު ކުޑަކުދިން ޝާމިލްކުރޭތޯ ކަށަވަރުކުރަން ޖެހޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ މިއަދު ފާހަގަކުރަމުން އަންނަ ބައިނަލްއަޤްވާމީ ކުޑަކުދިންގެ ދުވަހުގެ ތަހުނިޔާ ފޮނުއްވުމަށް ކުރެއްވި ޓްވީޓެއްގަ އެވެ.
އެ ޓްވީޓުގައި ވިދާޅުވީ ކުޑަކުދިންނަށް ލިބޭ އަނިޔާތަކާއި، ގެއްލުންތަކުން އެއްކިބާވެފައިވާ ބައެއްކަން މުޖުތަމަޢު ކަށަވަރުކުރުމާއި، އެކުދިންގެ ހައްޤުތައް ފުރިހަމައަށް ރައްކާތެރިކުރެވިފައިވާ ބައެއްކަން ޔަޤީންކުރަންޖެހޭކަމަށެވެ.
Happy #WorldChildrensDay to all children. As we celebrate our children, we are ever mindful of our duty to ensure that every child realizes their full potential in a society that is inclusive, free of violence and harm and where their rights are fully protected.
— Ibrahim Mohamed Solih (@ibusolih) November 20, 2022
ބައިނަލްއަޤްވާމީ ކުޑަކުދިންގެ ދުވަހުގެ ގޮތުގައި ފާހަގަކުރަމުން އަންނަނީ ކޮންމެ އަހަރެއްގެ ނޮވެމްބަރު މަހުގެ 20 ވަނަ ދުވަހެވެ.
މިއަހަރު އދ.ކަނޑައަޅާފައިވާ ޝިއާރަކީ "އިންކުލޫޝަން، ފޯރ އެވްރީ ޗައިލްޑް" އެވެ.
