ވިޒް އެއަރ ލައިންސް އިން ރާއްޖެއަށް ދަތުރުތައް ފަށަން ތައްޔާރުވެއްޖެއެވެ.
އަބޫދާބީގެ ބަޖެޓް އެއަރލައިނެއް ކަމަށްވާ ވިޒް އެއަރއިން ބަޔާނެއްގައި ބުނީ ހަފްތާއަކު ހަތަރު ދަތުރު ކުރާގޮތަށް ނިންމާފައިވާ ކަމަށެވެ. އެ ދަތުރުތައް އޮގަސްޓު މަހުގެ ތެރޭގައި ފަށާނެ ކަމަށެވެ.
ކޮންމެ ހަފުތާއެއްގެ ހޮނިހިރު، އާދިއްތަ، އަންގާރަ އަދި ބުރާސްފަތި ދުވަހު އެ އެއަރލައިންގެ ދަތުރުތައް ކުރުމަށް ނިންމާފައިވާއިރު، ރާއްޖެއަށް އޮޕަރޭޓުކުރާނީ މުޅިން އާ، އެއަރ ބަސް އޭ321 ނިއޯ މަރުކާގެ ބޯޓެއް ވިޒް އެއަރ އިން ބުނެއެވެ.
އަބޫ ދާބީ އާއި ރާއްޖެއާ ދެމެދު މިހާރު ސީދާ ދަތުރުތައް ކުރަނީ އިއްތިހާދު އެއަރވޭސް އިން އެކަންޏެވެ.
އެހެންނަމަވެސް، ޔޫއޭއީގެ ދުބާއީ އާއި މާލެއާ ދެމެދު އެމިރޭޓްސް އަދި ފްލައި ދުބާއީން ކޮންމެ ދުވަހަކު ފްލައިޓް އޮޕަރޭޓު ކުރެއެވެ.
