ޖަލަކް ދިކްލާ ޖާ އަނެއްކާވެސް ދައްކަން ފަށަން ނިންމާފައިވާ ކަމަށް ރިޕޯޓުތައް ބުނެފިއެވެ.
ފަސް އަހަރުގެ މެދުކެނޑުމަކަށްފަހު ސެލެބްރިޓީ ޑާންސް ޝޯވ ދައްކަންފަށާނެކަން އިޢުލާންކޮށްފައިވީނަމަވެސް ޝޯވ ފަށާ ތާރީޚެއް އަދިކަށަވަރެއް ނުވެއެވެ.
މިފަހަރުގެ ޝޯވ ގައިވެސް ސެލިބްރީޓީން އެމީހުންގެ ބައިވެރިންނާއިއެކު ކުޅަދާނަ ހަރަކާތްތަކެއް ދައްކާނެކަމަށް ރިޕޯޓުތައް ބުނެއެވެ.
މި ޝޯވ ގެ ޖަޖުންގެ ގޮތުގައި ހޮވާފައިވަނީ ޑައިރެކްޓަރު/ޕްރޮޑިއުސަރު ކަރަން ޖޯހަރު، މާދުރީ ޑިކްސިޓް އަދި ނޯރާ ފަތޭއެވެ.
ޖަލަކް ދިކްލާ ޖާ ގެ އެންމެ ފަހު ސީޒަން ދައްކާފައިވަނީ 2016 ން 2017 އަށެވެ. އެއަށްފަހު އައު ޝޯވ އެއް ދެން ނުފަށާނެކަމުގެ އަޑުތަކެއް ވެސް ވަނީ ފެތުރިފައެވެ.
މި ޝޯވ ގައި ޖަޖުކަން ކުރިންކޮށްފައިވާ ފަރާތްތަކުގެ ތެރޭގައި ޖެކްލީން ފެނާންޑިސް، ކަރަން ޖޯހަރް އަދި ކޯރިއޮގްރާފަރު ގަނޭޝް ހެގްޅޭ އާއި ފަރަހަ ޚާން ހިމެނެއެވެ.
