މިހާރުކުރިއަށް ގެންދާ "ކޮފީ ވިތް ކަރަން 7" ގައި އާމިރު ޚާނާއި ކަރިނާ ކަޕޫރު ބައިވެރިވާނެކަން ހާމަކޮށްފިއެވެ.
އިންޑިއާގެ ނޫސްތަކުގައި ބުނެފައިވަނީ ޑިޒްނީ ޕްލަސް ހޮޓް ސްޓަރ އިން ގެނެސްދެމުންއަންނަ ކަރަން ޖޯހަރްގެ ޗެޓް ޝޯ، "ކޮފީ ވިތު ކަރަން 7" ގައި އެ ދެ ތަރިންގެ ބައިތައް ނުވަތަ އެޕިސޯޑު ވަރަށް އަވަހަށް ޝޫޓު ކުރާނެ ކަމަށެވެ.
ޚަބަރުތައް ބުނާގޮތުން އެ ދެ ތަރިން މި ޝޯވ ގައި ބައިވެރިވަނީ ފިލްމު "ލާލް ސިންގް ޗައްޑާ" ގެ ޕްރޮމޯޝަނަށެވެ. އާމިރު ޚާނާއި ކަރީނާ އެކުގައި ކުޅެފައިވާ މި ފިލްމު އަންނަ އޮގަސްޓް މަހުގެ 11 ގައި ރިލީޒު ކުރުމަށް ވަނީ ނިންމާފައެވެ.
އެހެންވެ އޭގެ ކުރިން ދެ ތަރިންގެ އެޕިސޯޑް ގެނެސްދިނުމަަށް އަންނަނީ މަސައްކަތް ކުރަމުންނެވެ.
އާމިރު ޚާނާއި ކަރީނާގެ އެޕިސޯޑުގައި ފިލްމީ ވާހަކައިގެ އިތުރުން އެ މީހުންގެ ޒާތީ ދިރިއުޅުމުގެ ގިނަ ވާހަތަކެއް ވެސް ހިއްސާކުރާނެ ކަމަށް ވަރަށްބޮޑަށް ބެލެވެއެވެ.
އެއީ ކަރީނާ ދެވަނަ ދަރިފުޅަށް ބަލިވެއިނީ "ލާލް ސިންގް ޗައްޑާ" ގެ ޝޫޓްކުރަމުން ދަނިކޮށް ކަމަށްވާތީއާއި ބަލިވެއިނދެ ކުރީކޮޅު ފިލްމުގެ މަންޒަރުތަކެއް ޝޫޓް ކޮށްފައިވާތީއެވެ. އަދި އާމިރު ޚާން ގެ ދެވަނަ ކައިވެނި ވެސް މިދިޔަ އަހަރު ރޫޅިފައިވަނީ މި ފިލްމުގެ މަސައްކަތްކުރަމުން ދަނިކޮށް ކަމަށްވުމަކީ މި އެޕިސޯޑަށް ބެލުންތެރިންގެ ސަމާލުކަން ހުއްޓޭނެ ކަމެކެވެ.
"ކޮފީ ވިތް ކަރަން" ގެ ހަތް ވަނަ ސީޒަން ދައްކަން ފަށާފައިވަނީ މި ޖުލައި މަހުގެ ހަތް ވަނަ ދުވަހުއެވެ.
