މިއަހަރުގެތެރޭގައި ރާއްޖޭގެ ފަތުރުވެރިން އިހު އޮތް ޙާލަތަށް ގެންދެވިދާނެކަމަށް ޤަބޫލުކުރެވޭކަމަށް ޓޫރިޒަމް މިނިސްޓަރ ޑރ.ޢަބްދުﷲ މަޢުޞޫމް ވިދާޅުވެއްޖެއެވެ.
ކޮވިޑް-19ގެ ޙާލަތާއެކު ހީނަރުވެގެންދިޔަ ރާއްޖޭގެ ފަތުރުވެރިކަން އަލުން ރަނގަޅުކުރުމަށް ކުރައްވާ މަސައްކަތްަޕުޅާ ގުޅޭގޮތުން ކުރެއްވި ޓްވީޓެއްގައި ޑރ.މަޢުޞޫމް ވިދާޅުވީ ރާއްޖެއަށް މިހާރު ފަތުރުވެރިން އަންނަމުންދާ ނިސްބަތަށް ބަލާއިރު އުންމީދު އޮބައޮތްކަމަށެވެ. އެގޮތުން، މިއަހަރުގެ މެދެއްހާ ހިސާބުގައި ރާއްޖޭގެ ފަތުރުވެރިކަން ކޮވިޑް-19ގެ ޙާލަތުގެ ކުރިން އޮތް ހާލަތަށް ގެންދެވޭނެ ކަމަށް ލަފާކުރެވޭކަމަށެވެ.
މިދިޔަ އާދީއްތަދުވަހު 4300 ފަތުރުވެރިން ރާއްޖެއަށް އައިސްފައިވާ ކަން ފާހަގަކުރައްވައި މިނިސްޓަރ ވިދާޅުވެފައިވަނީ ފަރުވެރިން އައުން އިތުރުވުމާއި ރާއްޖޭގައި މިހާރު ކޯވިޑް-19އިން ރައްކާތެރިވުމަށް ޖަހާ ވެކްސިން ޖަހަން ފަށައިފައިވުމަކީ އުންމީދު އާވާކަމެއްކަމަށެވެ.
Today Maldives welcomed over 4,300 tourists. A total recovery of the tourism industry of #Maldives by mid year is very likely, especially with the nationwide #COVID19 vaccination initiative. @visitmaldives #VisitMaldivesNow.
— Abdulla Mausoom (@Mausoom_Maus) February 7, 2021
ޓޫރިޒަމް މިނިސްޓްރީގެ ފަތުރުވެރިކަމުގެ ތަފާސްހިސާބުތަކަށް ބަލާއިރު މިމަހުގެ ފުރަތަމަ 7 ދުވަހު 17116 ފަތުރުވެރިން ރާއްޖެއަށް އައިސްފައި ވެއެވެ. ކޮވިޑް-19އާއެކު ރާއްޖޭގެ ބޯޑަރުތައް ބަންދުކުރުމާއި، ދުނިޔޭގެ ދަތުރުފަތުރުގެ ނިޒާމަށް އައި ބަދަލުތަކާއެކު ރާއްޖޭގެ ފަތުރުވެރިކަމަށް ވަނީ ވަރަށްބޮޑު ހީނަރުކަމެއް އައިސްފައެވެ. ދުވަސްތަކެއް ވަންދެން މުޅި އިންޑަސްޓްރީ ހުއްޓިފައި އޮންނަން ޖެހުމާއި، ކޮވިޑާހެދު ކުރިމަތިވި އިޤްތިޞާދީ ދަތިކަމުގެ ސަބަބުން ވިޔަފާރިތަކަށް ކުރިމަތިވި ހީނަރުކަމަކީ މި އިންޑަސްޓްރީއަށް ދިމާވި ވަރަށްބޮޑު ދަތިކަމެކެވެ.
ސަރުކާރުން ގެންދަނީ ފަތުރުވެރިކަމުގެ އިންޑަސްޓްރީގެ ވިޔަފާރިވެރިންނާ ގުޅިގެން ރާޖޭގެ ފަތުރުވެރިކަން ރަނގަޅުކުރުމަށް ގިނަ މަސައްކަތްތަކެއް ކުރައްވަމުންނެވެ.
