ބޯޑަރު ހުޅުވާލުމަށްފަހު އެއާ ފްރާންސްގެ ދަތުރުތައް މިއަދު އަލުން ރާއްޖެއަށް ފަށައިފައެވެ.
އެއާ ފަރާންސްގެ ދަތުރުތައްް ފެށީވެސް 268 ފަސިންޖަރުންނާއެކު އެވެ.
މޯލްޑިވްސް އެއަރ ޕޯޓް ކޮމްޕެނީ (އެމްއޭސީއެލް) އިން ބުނެފައިވަނީ ދަތުރުތައް ފެށުމުން އެއާ ފްރާންސް އިން ހަފްތާއަކު ތިން ދަތުރު އޮންނާނެކަމަށެވެ.
އެއަރ ފަރާންސްގެ ދަތުރުތައް ރާއްޖެއަށް އަލުން ފެށުމާ ގުޅިގެން މަރުހަބާ ވިދާޅުވެ ޓޫރިޒަމް މިނިސްޓަރ ޢަބްދުﷲ މައުސޫމް ކުރެއްވި ޓްވީޓެއްގައި ވިދާޅުވީ އެ އެއާ ލައިންގެ ދަތުރުތައް ފެށުމަކީ ޓޫރިޒަމް އަލުން އަބުރާ އިއާދަ ވުމަށް ލިބުނު ހިތްވަރެއްކަމަށެވެ.
ރާއްޖޭގެ ފަތުވެރިކަމުގެ މާކެޓްގައި މިދިޔަ އަހަރު ފަރަންސޭސި ވިލާތް ހިއްސާކުރީ 3.5 އިންސައްތައިގައި ކަން ވެސް މިނިސްޓަރ މައުސޫމް ފާހަގަކުރެއްވިއެވެ. މިދިޔަ އަހަރު 59738 ފަތުރުވެރިން ފަަރަންސޭސި ވިލާތުން ރާއްޖެއައެެވެ.
ރާއްޖޭގޭ ބ ޯޑަރު ހުޅުވާލިފަހުން ރާއްޖެއަށް އަލުން ދަތުރުތައް ފެށި އެއާ ލައިން ތަކުގެ އަދަދާއި ދަތުރުތައް ވެސް ވަނީ އިތުރު ވެފައެވެ. އަދި މުޅިން އަލަށް ވެސް ބައެއް އެއަރ ލައިންގެ ދަތުރުތައް ވެސް ވަނީ ފަށާފައިވެ. ބައިނަލް އަގްވާމީ ދަތުރުތައް އިތުރުވެ ރާއްޖެއަށް ޒިޔާރަތްކުރާ ފަތުރުވެރިންގެ އަދަދުވެސް ވަނީ ވަރަށް ބޮޑުތައް އުތުރުވެފައެވެ. ރާއްޖޭގެ ބޯޑަރު ހުޅުވާލި ފަހުން އެއްލައްކަ އަށް ވުރެ ގިނަ ފަތުރުވެރިން ރާއްޖެއަށް ރިޔާރަތްކޮށްފައިވާއިރު މީގެ އެއް ދުވަސް ކުރިން ވަނީ މިއަހަރު ރާއްޖެއަށް ޒިޔާރަތްކުރި ފަތުރުވެރިންގެ ޢަދަދު ފަސް ލައްކައަށް އަރާފައެވެ. ޓޫރިޒަމް މިނިސްޓްރީން އަންދާޒާ ކޮށްފައި ވަނީ މިއަހަރު ރާއްޖެއަށް 525000 ފަތުރުވެރިން ޒިޔާރަތްކުރާނެކަމަށެވެ.
