2021 ވަނަ އަހަރަށް 34.7 ބިލިއަން ރުފިޔާގެ ބަޖެޓެއް ސަރުކާރުން މަޖިލީހަށް ހުށަހަޅައިފައިއެވެ.
އަންނަ އަންހަރަށް މަޖިލީހަށް ހުށަހެޅީ މިއަހަރަށް ލަފާކުރި ބަޖެޓަށް ވުރެ 3.2 ބިލިއަން ރުފިޔާ ކުޑަ ބެޖެޓެކެވެ. މިއަހަރަށް މަޖިލީހުން ފާސްކުރީ 37.9 ބިއަން ރުފިޔާގެ ބެޖެޓެވެ. ނަމަވެސް ޚަރަދުތައް ކުޑަކޮށް މިއަހަރުގެ ބެޖެޓް ވަނީ 27 ބިލިއަން ރުފިޔާއަށް ކުޑަކޮށްފައިވާކަމަށް، މިއަދު ކުރިއަށްދާ ރައްޔިތުންގެ މަޖިލީހުގެ ޖަލްސާ އަށް ބަޖެޓް ހުށަހަޅުއްވަމުން ފިނޭންސް މިނިސްޓަރ އިބްރާހީމް އަމީރު ވިދާޅުވިއެވެ.
މީ ކުޑަކުރެވެން ހުރި ހުރިހާ ދިމާއަކުން ޚަރަދު ކުޑަކޮށްފައިވާ ބަޖެޓެއްކަމަށް ވެސް މިނިސްޓަރ ފާހަގަ ކުރެއްވިއެވެ. ނަމަވެސް ކޮވިޑް ޚަރަދުތަކާއެކު މުރާޖާ ކުރި ބެޖެޓްގެ ޖުމުލަ ޢަދަދަކީ 31.8 ބިލިއަން ރުފިޔާކަމަށް މިނިސްޓަރ އަމީރު ވިދާޅުވިއެވެ. އެއީ މިއަހަރަށް ލަފާކުރު ބެޖެޓަށް ވުރެ 6.1 ބިލިއަން ރުފިޔާ ކުޑަ ޢަދަދެކެވެ.
މިއައަހަރަށް 29.9 ބިލިއަން ރުފުޔާގެ އާމްދަނީއެއް ލިބޭނެ ކަމަށް އަންދާޒާ ކޮށްފައި ވީނަނަވެސް މިހާރު ލބޭނެކަމަށް ލަފާކުރެވެނީ 14.5 ބިލިއަން ރުފިޔާކަމަށް މިނިސްޓަރ އަމީރު ފާހަގަ ކުރެއްވިއެވެ. އެއީ މިއަހަރަށް އަންދާޒާކުރިވަރަށް ވުރެ 51 އިންސައްތް ދަށް ޢަދަދެކެވެ. އެހެން ކަމުން 2020 15.9 ބިލިއަން ރުފިޔާއިން ޑެފިސިޓްވާނެކަމަށް ފިނޭންސް މިނިސްޓަރ ވިދާޅުވިއެވެ. އެއީ ޖީޑީޕީގެ 17.5 އިންސައްތައެވެ.
މިއަހަރު ދައުލަތުގެ ދަރި ހުންނާނެ ކަމަށް އަންދާޒާކޮށްފައިވަނީ 70.4 އިންސައްތައިގައިކަމަށް ފިނޭންސް މިނިސްޓަރ ވުދާޅުވިއެވެ. އެއީ ޖީޑީޕީގެ ނިސްބަތުން 121.4 އިންސައްތައެވެ. 2020 ވަނަ އަހަރަށް ފާސްކުރި ބަޖެޓްގައި ދަރަނި ހުންނާނެކަމަށް ލަފާކުރި ޢަދަދަކީ 58.4 އިންސައްތައެވެ. ނަމަވެސް ކޮވިޑް 19 އާއެކު ކުރިން ލަފާކުރިވަރަށް ވުރެ 10 ބިލިއަން ރުފިޔާ ޑެފިސިޓަށް އިތުރުވެފައިވާކަމަށް މިނިސްޓަރ އަމީރު ފާހަގަ ކުރެއްވިއެވެ. ކޯވިޑްގެ ޙާލަތު މެދުވެރިނުވިނަމަ މިއީ ދަރަންޏަށް އިތުރުވާނެ ޢަދެދެއް ނޫންކަމަށް ވެސް މިނިސްޓަރ ފާހަގަ ކުރެއްވިއެވެ.
