ނޯޓު: މި ޚަބަރު ވަނީ އަދާހަމަކުރެވިފައެވެ.
ހުޅުމާލެއިން 5.6 މިލިއަން ރުފިޔާގެ ކެނެބިސް އަތުލައިގެންފިއެވެ.
ޕޮލިސް ކޮމިޝަނަރ މުޙައްމަދް ޙަމީދު މިައދު ކުރެއްވި ޓުވީޓެއްގައި ވިދާޅުވީ ރޭއްސުރެން ފެށިގެން ހުޅުމާލޭގައި ފުލުހުންގެ ކައުންޓަރ ނާކޮޓިކްސް ޓީމުތަކުން ކުރި މަސައްކަތުން 6.8 ކިލޯގެ ކެނެބިސް އަތުލައިގަނެވިފައިވާ ކަމަށެވެ. އަތުލައިގަތް މަސްތުވާތަކެތީގެ މަގުމަތީ އަގު 5.6 މިލިއަން ރުފިޔާއަަށް އަރާކަމަށް ވެސް ކޮމިޝަނަރ ވިދާޅުވިއެެވެ.
މި މައްސަލައާ ގުޅުން ހުރި ތިން މީހަކު މިހާރު ހައްޔަރުކޮށްފައިވާ ކަމަށް ކޮމިޝަނަރ ޙަމީދު ވިދާޅުވިއެވެ.
ފުލުހުންގެ ތަރުޖަމާނު ވިދާޅުވިގޮތުގައި މި ތިން މީހުންގެބަންދާ މެދު ގޮތެއް ނިންމަން ކޯޓަށް ހާޒިރުކުރުމުން ދެ މީހުންގެ ބަންދަށް 15 ދުވަހުގެ މުއްދަތު ވަނީ ޖަހާފައެވެ. 15 ދުވަހުގެ މުއްދަތު ޖަހާފައިވަނީ މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދު ކުރުމަށެވެ،
މި މީހުންގެ ތެރެއިން ތިންވަނަ މީހާ ވަނީ ދޫކޮށްލާފައިވާ ކަމަށް ފުލުހުންގެ ތަރުޖަމާނު މައުލޫމާތު ދެއްވައެވެ. އެމީހާ ދޫކޮށްލާފައިވަނީ އޭނާގެ ގެ ބަލައި ފާސްކުރި އިރު އެގެއިން މަސްތުވާތަކެތި ފެނިފައިނުވާތީ ކަމަށްވެސް ވިދާޅުވިއެވެ.
މި ތިން މީހުންނަކީ ވެސް މަސްތުވާތަކެތީގެ ނެޓްވޯކެއްގައި ހިމެނޭކަމަށް ތުހުމަތުކުރެވޭ ތިން މީހުން ކަމަށް ފުލުހުން މައުލޫމާތު ދެއްވައެވެ.
Our counter narcotics teams have been carrying out a search in HulhuMale’ since last night & have successfully seized approximately 6.8 kgs of cannabis that has a street value of MVR 5.6 million. Three Maldivians have been arrested in connection to this seizure. #highimpactcrimes pic.twitter.com/rQJ4mHXrVj
— Mohamed Hameed (@M_Hameedh) June 15, 2020
