މާލޭގައި ކޯވިޑް-19 ފެތުރެނެ ފެށުމުގެ ސަބަބުން ރަށު ތެރޭގައި ބަލި ފެތުރިފައި އޮތް މިންވަރު ދެނަގަތުމަށް ނެގުނު ސާމްޕަލް ތަކުގެ ތެރެއިން އުމުރުން ދޮށީ މީހަކަށް ބަލިޖެހިފައިވާ ކަން އެނގިއްޖެއެވެ. މިހާރު ކުރިއަށް ދާ ނޫސްވެރިންގެ ބައްދަލުވުމުގައި ޑރ. ނަޒްލާ ވިދާޅުވީ ޕޮޒިޓިވް ވެފައިވަނީ މިއަދު ނެގި ސާމްޕަލްތަކުގެ ތެރެއިން ސާމްޕަލެއް ކަމަށެވެ.
ޑރ. ނަޒްލާ ވިދާޅުވީ މިހާރު ވަކި ޚާއްސަކަމެއް ދީގެން ދޮށީ އިމުރެ މީހުންގެ ސާމްޕަލް ނަގަމުންދާ ކަމަށެވެ. އެގޮތުން އުމުރުން 65 އަހަރުން މަތީގެ މީހުންނާއި، އެމީހުން ގާތުން ބަލަހައްޓާ މީހުންގެ ރެންޑަމް ސާމްޕަލް ނަގަމުންދާ ކަމަށެވެ އަދި އެފަދަ ގޭގޭގައި ބޭރަށް ނުކުމެ އުޅޭ މީހަކު އުޅޭނަމަ އެމީހެއްގެ ސާމްޕަލް ނަގަމުންދާ ކަމަށެވެ. މިގޮތަށް ސާމްޕަލް ނަގަމުންދާއިރު އުމުރުން ދުވަސް މީހުންގެ ފަރާތުން އެކަމާ ގުޅޭގޮތުން ސުވާލު އަންނަ ކަމަށް ނަޒްްލާ ފާހަގަކުރެއްވިއެވެ.
ޑރ. ނަޒްލާ ވިދާޅުވީ ބޭރަށް ނުނުކުމެ ގޭގައި ތިބި ނަމަވެސް ސާމްޕަލް ނަގަނީ އެ އުމުރުފުރާގެ މީހުންނަކީ ބަލިޖެހުމުގެ ނުރައްކާ ބޮޑު ފަރާތްތައް ކަމަށްވާތީ ކަމަށެވެ. ނަޒްލާ ވިދަޅުވީ ހަކުރުބަލި، ލޭ މައްޗަށް ދިއުން، ފަދަ ދިގު މުއްދަތަކަށް ބޭސްކުރާ މީހުންނަށް ބަލިޖެހިޖެއްޔާ ނުރައްކާ ބޮޑު ކަމަށެވެ. ނަމަވެސް އެފަދަ މީހުން ތިބޭ ގޭގެިން އެކަކުވެސް ބޭރަށް ނުކުމެ ހަދާ ކަމަށްވަންޏާ ދޮށީ އުމުރުގެ މީހުންނަށް ބަލި ޖެހުމުގެ ފުރުސަތު އޮތް ކަމަށެވެ.
