މިރޭ އައްޑޫއަށް ދާ ފަންސާސް މީހަކު ކަރަންޓީނު ކުރެވޭނެކަމަށް އައްޑޫ ސިޓީގެ މޭޔަރ ޢަބްދުﷲ ޞާދިގް ވިދާޅުވެއްޖެއެވެ.
މިރޭ ކުރެއްވި ޓުވީޓެއްގައި މޭޔަރު ވިދާޅުވީ މާލޭގައި ތާށިވެފައިތިބި އައްޑުއާއި ފުވައްމުލަކުގެ ފަންސާސް މީހަކު މިރޭ ދަންވަރުގެ ވަގުތެއްގައި އައްޑޫއަށް ދާނެ ކަމަށެވެ. އެ މީހުން ކަރަންޓީނުކުރެވޭނީ ހެރެތެރެ ކަރަންޓީނު ފެސިލިޓީގައި ކަމަށް މޭޔަރު ވިދާޅުވިއެވެ. އަދި އެމީހުން ކަރަންޓީނު ފެސިލިޓީއަށް ގެންދެވޭނީ އެމް.އެން.ޑީ.އެފްގެ ބެލުމުގެ ދަށުން ކަމަށް ވެސް ވިދާޅުވިއެވެ.
މާލެ ބަންދުކުރުމާއި ގުޅިގެން ރިސޯޓު މުއައްޒަފުންނާއި އެކިއެކި ބޭނުމަށް މާލެ އައިސް މަލޭގައި ތާށިވެފައި އައްޑޫގެ ގިނަ ރައްޔިތުންތަކެއް އެބަތިއްބެވެ.
