މިރޭ 9:00 އިން ފެށިގެން ހެނދުނު 6:00 އާ ހަމައަށް ވެލާނާ އިންޓަރނޭޝަނަލް އެއާޕޯޓު (ވީއައިއޭ) ބަމްދު ކުރަން ނިންމައިފިއެވެ. މިރެއިން ފެށިގެން ވަކި ގޮތެއް އަންގަންދެން މިގޮތަށް މިކަން ކުރިއަށްދާނެ ކަމަށް ކަމާބެހޭ ފަރާތްތަކުން ވިދާޅުވެފައިވެއެވެ.
ކޮމާޝަލް ދަތުރުތަކަށް އެއާޕޯޓު ބަންދުކުރި ކަމަށްވިޔަސް ރާއްޖެއަށް ބޭނުންވާ އެހީގެ ސާމާނާއި އެހެނިހެން ދަތުރުތަކަށް އެއާޕޯޓު ހުޅުވާނެ ކަމަށް އެމްއޭސީއެލް އިން ވިދާޅުވެފައިވެއެވެ.
މިއީ ދުނީޔޭގައި އެއްވެސް ކޮންޓްރޯލެއްނެތި ފެތުރެމުންދާ ކޮވިޑް-19 އިން ރައްކާތެރި ވުމަށް އަޅުއްވަމުން ގެންދަވާ ފިޔަވަޅުތަކުގެ ތެރެއިން އެޅުއްވި ފިޔަވަޅެކެވެ. ސަރުކާރުން ވަނީ މިމަހު 27 އިން ފެށިގެން ރާއްޖެއިން އޮންއަރައިވަލް ވިސާ ދޫކުރުން ވެސް ހުއްތާލައިފައެވެ. އެ ހިސާބުން ރާއްޖެވަނީ ބޭރުން އަންނަ ފަތުރުވެރިންނަށް ބަންދުކުރެވިފައެވެ.
ސަރުކާރުން މިހާރު ގެންދަވަނީ ވިވަގުތު ރާއްޖޭގައިތިބި އެހެން ގައުމުތަކުގެ ފަތުރުވެރިން ފުރުވާލުމުގެ މަސައްކަތް ކުރައްވަމުންނެވެ. އެގޮތުން އިއްޔެވަނީ އިޓަލީގެ 358 މީހުން ފުރުވާލައިފައެވެ.
ސަރުކާރުން އަޅުއްވަމުން ގެންދަވާ ފިޔަވަޅުތަކުގެ ތެރެއިން މިހާރުވަނީ އެތެރޭގެ ދަތުރުތައް ވެސް ވަރަށްބޮޑަށް މަދުކޮށްފައެވެ.
