ޝެވަލް ބްލޮންކް ރަންދެލި ރިސޯޓުން ކޮވިޑް 19 އަށް ޝައްކު ކުރެވޭ ބިދޭސީއެއްގެ ސާމްޕަލް ނަގައި ޓެސްޓް ކުރުމުގެ މަސައްކަތް ފަށައިފި ކަމަށް ހެލްތު ޕްރޮޓެކްޝަން އެޖެންސީ (އެޗުޕީއޭ) އިން ވިދާޅުވެއް ޖެއެވެ.
މި ފަދަ އަލާމާތެއް ފެނިއްޖެ ނަމަ އެމީހެއްގެ ސާމްޕަލް ނެގުމަށްފަހު އެރަށެއް ނުވެތަ ރިސޯޓެއް މޮނިޓަރިންނަށް ވަގުތީގޮތުން ބަންދު ކުރެއްވެއެވެ. މިއީ ރައްކާތެރިކަމުގެ ގޮތުން ޢަމަލު ކުރަމުންދާ އުޞޫލުގެ ކުރެވޭ ކަމެއް ކަމަށް ވެސް އެތަނުން ވިދާޅުވިއެވެ.
އެ ސާމްޕަލްގެ ނަތީޖާ ލިބެންދެން އެރިސޯޓުވަނީ ބަންދު ކުރެވިފައެވެ. ރާއްޖެއިން މިހާތަނަށް ވަނީ ބަލިޖެހިފައިވާ 13 މީހުން ފެނިފައެވެ. އެ އެންމެންނަކީ ވެސް ބިދޭސީންނެވެ. ވިލިވަރުގައި ކަރަންޓީން ކުރެވިފައި ތިބީ 25 މީހުންނެވެ. ފަރުކޮޅުގައި ވަނީ 15 މީހަކު އެކަހެރި ކުރެވިފައެވެ. 57 މީހުން ވަނީ އެޗުއައިއެޗުގައި ކަރަންޓީން ކުރެވިފައެވެ.
