މަގުމަތީގެ ސަލާމަތާއި ރައްކާތެރިކަމާއި ގުޅޭ ގޮތުން ހޭލުންތެރިކަން އިތުރުކުރުމުގެ ގޮތުން ހުޅުމާލެ ޣާޒީ ސްކޫލްގެ ދަރިވަރުންނަށް އަމާޒުކޮށްގެން މަޢުލޫމާތުދިނުމުގެ ސެޝަނެއް ކުރިއަށް ގެންގޮސްފިއެވެ
މި ހިނގާ މާރޗްމަހުގެ 2ވަނަ ދުވަހު ޣާޒީ ސްކޫލްގައި ކުރިއަށް ގެންދިޔަ މި ސެޝަނުގައި އެސްކޫލްގެ ޔުނީފޯރމް ބޮޑީސް ތަކުން ޖުމްލަ 145 ދަރިވަރުން ބައިވެރިވެފައިވެއެވެ.
މި ޕްރޮގްރާމްގައި ދަރިވަރުންނަށް ވަނީ ރައްކާތެރިކަމާއެކު މަގު ބޭނުންކުރާނެ ގޮތުގެ މަޢުލޫމާތު ފޯރުކޮށްދީފައެވެ.އެގޮތުން މަގުމަތީގައި އުޅޭއިރު ރައްކާތެރިވުމުގެ ގޮތުން އެޅިދާނެ ފިޔަވަޅުތަކާއި މަގު ހުރަސް ކުރާނެގޮތާއި، މަގުހުރަސް ކުރުމުގައި ސަމާލުކަންދޭންވީ ކަންތައްތަކާއި، މަގުމަތީ ބޭނުންކުރާ ޓްރެފިކް ނިޝާންތަކާއި ގުޅޭ މައުލޫމާތު ފޯރުކޮށްދީފައިވެއެވެ.
މާލެ ފިޔަވައި އެންމެ ގިނަބަޔަކު ދިރިއުޅޭ ހުޅުމާލޭގައި ހިނގާ ޓްރެފިކް މައްސަލަތައް މަދުކުރުމަށް ހުޅުމާލެ ޓްރެފިކް ޕޮލިސް އިން އިސްނަގައިގެން ގިނަ ޕްރޮގްރާމްތަކެއް ދަނީ ކުރިއަށް ގެންދަމުންނެވެ.
މި ޕްރޮގްރާމްތަކުގައި މައުލޫމާތު ދެއްވަނީ ހުޅުމާލެ ޓްރެފިކް ޕޮލިސްގެ މުވައްޒަފުންނެވެ.
