އުރީދޫ މޯލްޑިވްސްގެ މިއަހަރުގެ އަހަރީ އާންމު ޖަލްސާ މާރިޗު ދެވަނަ ދުވަހުގެ ރޭ ބާއްވާނެ ކަމަށް އެކުންފުނީން އިއުލާން ކުރައްވައިފިއެވެ. ޖަލްސާއޮންނާނީ ކުރުނބާ މޯލްޑިވްސްގެ ކޮންވެންޝަން ހޯލުގައި އެރޭ 8:30 ގައި ކަމަށް އުރީދޫ މޯލްޑިވްސް އިން ވިދާޅުވެފައިވެއެވެ.
މިޖަލްސާގައި 2019 ވަނަ އަހަރު މާރިޗު 3 ގައި ބޭއްވި އަހަރީ އާންމު ޖަލްސާގެ ޔައުމިއްޔާ ފާސްކުރުން އޮންނާނެއެވެ. އަދި 2019 ވަނަ އަހަރު ޑިސެމްބަރު 16 ވަނަ ދުވަހު ބޭއްވި ޚާއްސަގޮތުން ކުރާ އާންމު ޖަލްސާގެ ޔައުމިއްޔާ ވެސް ފާސްކުރާނެއެވެ. އޭގެ އިތުރުން މިދިޔަ އަހަރުގެ މާލީ ހިސާބުތަކާއި އޮޑިޓަރުންގެ ރިޕޯޓު ފާސްކުރުން ވެސް އޮންނާނެއެވެ. އަދި މިދިޔަ އަހަރުގެ ކުންފުނީގެ ޑިރެކްޓަރުންގެ ރިޕޯޓު ފާސްކުރުމާއި، 2020 ވަނަ އަހަރަށް އޮޑިޓަރުން އައްޔަންކޮށް، އޮޑިޓަރުންގެ އުޖޫރަ ކަނޑައަޅައި ފާސްކުރުން ވެސް އޮންނާނެއެވެ. އޭގެ އިތުރުން 2019 ވަނަ އަހަރުގެ ޑިވިޑެންޑުގެ ގޮތުގައި ބަހާނެ ފައިސާ ކަނޑައަޅައި ފާސްކުރުން ވެސް އޮންނާނެއެވެ. އަދި އާންމު ހިއްސާދާރުންގެ ފަރާތުން ޑިރެކްޓަރުންގެ ބޯޑަށް ޑިރެކްޓަރަކު އިންތިޚާބު ކުރުން ވެސް އޮންނާނެއެވެ.
އުރީދީ ބޯޑަށް ކުރިމަތިލެއްވި ބޭފުޅުންގެ ތެރެއިން ޝަރުތުހަމަވާ ބޭފުޅުންނަކީ، އިބްރާހީމް ފިރުޝާން، ޢާއިޝަތު ޙުސައިން މަނިކު، އިބްރާހީމް ޝަރީފް މުޙައްމަދު، ފަރީޙާ ޝަރީފެވެ.
އުރީދޫ މޯލްޑިވްސްގެ ހިއްސާދާރެއްގެ ގޮތުގައި 11 ފެބްރުއަރީ 2020 ވާ އަންގާރަ ދުވަހުގެ ރޭގަނޑު 20:00 ގެ ކުރިން ރަޖިސްޓަރީވެފައިވާ ފަރާތްތަކަށް މި ޖަލްސާގައި ބައިވެރިވެވަޑައިގެންނެވޭނެއެވެ. އަމިއްލަފުޅަށް ނުވަތަ ޕްރޮކްސީ މެދުވެރިކޮށް ބައިވެރިވެލައްވާ ފަރާތްތަކަށް، ކޮންމެ އެޖެންޑާ އައިޓަމަކަށް 1 (އެކެއް) ވޯޓު ލިބިވަޑައިގަންނަވާނެއެވެ.
މި އަހަރީ އާންމު ޖަލްސާގައި ބައިވެރިވުމަށް ޝަރުތުހަމަވާ ހިއްސާދާރުން، ޖަލްސާގައި ބައިވެރިވެވަޑައިގަތުމަށް "ޕްރީ-ރެޖިސްޓްރޭޝަން ފޯމު" އަދި ޕްރޮކްސީއެއް އައްޔަން ކުރައްވާނަމަ "ޕްރޮކްސީ ފޯމު" ފުރުއްވުމަށްފަހު ހުށަހެޅުއްވުމަށް އުރީދޫމޯލްޑިވްސްއިން އެދިވަޑައިގަންނަވައެވެ. ހުށަހަޅުއްވާފައިވާ ޕްރޮކްސީ ކެންސަލް ކުރައްވަން ބޭނުންފުޅުނަމަ "ޕްރޮކްސީ ރީވޮކޭޝަން ފޯމު" ފުރުއްވުމަށްފަހު ހުށަހެޅުއްވުމަށް ވެސް އެދިވަޑައިގަންނަވައެވެ. މި ފޯމުތައް ފުރުއްވުމަށްފަހު ހުށަހަޅުއްވާނީ 26 ފެބްރުއަރީ 2020 ވާ ބުދަ ދުވަހުގެ ހަވީރު 4:30 ގެ ކުރިން އުރީދޫ މޯލްޑިވްސްގެ ހެޑްއޮފީހަށެވެ. މެއިވެސް ކުރެއްވޭނެއެވެ.
