މުޅި ރާއްޖޭގައި ހިންގުމަށް ހަމަޖެހިފައިވާ "ސްޓެޕް ސާވޭ" އަށް މީހުން ތަމްރީން ކުރުމުގެ ޕްރާމް އެޗުޕީއޭ އިން މިއަދު ފަށައިފިއެވެ.
މިއީ ގައިންގަޔަށް ނާރާ ބަލިތަކަށް ހުށަހެޅޭ ހިރާސްތައް ރާއްޖޭގައި ހުރި މިންވަރު ދެނެގަތުމަށް މުޅި ރާއްޖޭގައި ކުރުމަށް ހަމަޖެހިފައިވާ ދިރާސާއެކެވެ. “ސްޓެޕް ސާރވޭ” ގައި ހަރަކާތްތެރިވާ ފަރާތްތަކަށް މިއަދު މިފެށި ޕްރޮގްރާމް މިމަހުގެ 30 އާ ހަމައަށް ކުރިއަށްދާނެއެވެ.
މިދުވަސްވަރަކީ ރާއްޖެއިން ހިމަބިހި ފެނިގެން އެކަން ކޮންޓްރޯލް ކުރުމަށް ހުރިހާ ފަރާތްތަކުން ވެސް ވަރަށް ބޮޑަށް މަސައްކަތް ކުރައްވަމުން ގެންދަވާ ދުވަސްވަރެކެވެ. ހިމަބިއްސަކީ ރާއްޖެއިން ނައްތާލައިފައިވާ ބައްޔެކެވެ. އަދި އެކަމުގެ ސެޓުފިކެޓު ރާއްޖެއަށް ޑަބްލިޔުއެޗުއޯއިން ދީފައިވަނީ 2017 ވަނަ އަހަރުއެވެ. އަލުން އެބަލި ރާއްޖެއިން ފެނުމުން ވެކްސިން ޖެހުމަށް މިނިސްޓްރީން ގެންދަވަނީ ބާރު އަޅުއްވަމުންނެވެ. މިހާތަނަށް އެބަލި ޖެހިފައިވަނީ ވެކްސިން ނުޖަހާ ތިބި ކުދިންނަށް ކަމަށް ހެލްތު މިނިސްޓްރީން ވިދާޅުވިއެވެ. އޭގެ އިތުރުން ޗައިނާއާއި ބައެއް ގައުމުތަކުގައި ފެތުރެމުންދާ ކޮރޯނާ ވައިރަސް އިން ސަލާމަތް ވުމަށް ވެސް ސަރުކާރުން ގެންދަނީ ފިޔަވަޅުތަކެއް އަޅުއްވަންނެވެ.
ހެލްތު މިނިސްޓްރީން ވިދާޅުވީ މިހާތަނަށް ރާއްޖެއިން އެބަލި ފެނިފައި ނުވާކަމަށެވެ. އެހެންނަމަވެސް ބައްޔަށް ސްކްރީން ކުރުން ވަރަށް ބޮޑަށް ފުޅާކޮށްފައިވާ ކަމަށް މިނިސްޓްރީން ވިދާޅުވިއެވެ.
