ވެލާނާ އިންޓަރނޭޝަނަލްއެއާޕޯޓަށް ފުރަންގޮސްތިބި ބައެއްގެ އަތުގައި ބޮމެއް އޮތް ކަމަށްބުނެ އިންޒާރު ދިން މައްސަލައެއް ބަލަމުންދާ ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ މި އިންޒާރު ދީފައިވަނީ ފުރަންގޮތިބި ސެނެގާލްގެ މީހަކާއި ސުވިޒަލޭންޑު މީހެއް ކަމަށެވެ. އެ މައްސަލަ ބަލަމުންދާ ކަމަށް ފުލުހުން ވިދާޅުވިޔަސް އެމީހުން ބަންދުކުރި ކަމަށް ވިދާޅެއް ނުވެއެވެ.
މިއިންޒާރު އެމީހުންދިނީ އެއާޕޯޓުގެ އޭވިއޭޝަން ސެކިއުރިޓީން އެމީހުންގެ އަތުގައި އޮތް ދަބަހެއް ޗެކުކުރަން އުޅުމުން ކަމަށް ފުލުހުން ވިދާޅުވިއެވެ. އެވަގުތު އެމީހުން ތިބީ މަސްތުގެ ހާލުގައި ކަމަށް ބެލެވޭ ކަމަށް ވެސް ފުލުހުން ވިދާޅުވިއެވެ.
މި ހާދިސާ ހިނގާފައިވަނީ މިއަދު ހެނދުނު 7:51 އެހައިކަންހާއިރު ކަމަށް ވެސް ފުލުހުން ވިދާޅުވިއެވެ.
