އިންޑޮނޭޝިޔާގެ ވެރިރަށް ޖަކާޓާ އާ އަހަރާ ކުރިމަތިލީ އާދަޔާ ޚިލާފު ފެންބޮޑުވުމާއެކުގައެވެ. 2013 ގެ ފަހުން އެރަަށަށް ކުރި އެންމެ ވަރުގަދަ ވިއްސާރައިގައި މުޅި ރަށުގައި ފެންބޮޑުވުމުގެ ސަބަބުން 16 މީހުން މަރުވެފައި ވާއިރު، 19 ހާސް މީހުން ގެދޮރުން ނުކުންނަން ޖެހި، ރަށުގެ އެއާޕޯޓެއް ވަނީ ބަންދުކުރަން ޖެހިފައެވެ.
ނޭޝަނަލް ޑިޒާސްޓާ މިޓިގޭޝަން އެޖެންސީގެ ތަރުޖަމާނު އަގުސް ވިބޯވޯ ވިދާޅުުވިގޮތުގައި ބޯކޮށް ވާރޭވެހި، ކޯރުތައް ބަންޑުންވުމުގެ ސަބަބުން ޖަކާޓާގެ 90 އަވަށެގައި ވަނީ ފެންބޮޑުވެފައެވެ. އަދި އެއް އަވަށެއްގައި ވަނީ ބިންގަނޑު ކަނޑައިގެން ގޮސްފައެވެ.
30 މިލިއަން މީހުންގެ އާބާދީއެއް އޮންނަ ޖަކާޓާގެ ބޮޑު ބަޔަކުން ކަރަންޓު ކަނޑާލާފައި ވާއިރު، ބައެއް ސަރަހައްދުތަކުގައި ރޭލު ދަގަނޑުތައްވެސް ވަނީ ފެނު އަޑީގައެވެ. އަދި ބައެއް ސަރަހައްދުތަކުގައި ގާތްގަނޑަކަށް 12 ފޫޓަށް ފެންބޮޑުވެފައި ވާއިރު، އެސަރަހައްދުގެ ގެތަކުގެ ބޮޑު ބައެއް ވަނީ ފެނުއަޑީގައެވެ.
ޖަކާޓާ މަތިން އެ ރަށް ބެއްލެވުމަށްފަހު ޖަކާޓާގެ ގަވަރުނަރު އަނީސް ބަސްވެދާން ވިދާޅުވީ މުޅި ރަށުގައި ހެން ފެންބޮޑުވެފައިވާ ކަމުގައެވެ. ސަބަބެއް ކަމުގައި އޭނާ ވިދާޅުވީ ޖަކާޓާއާއި، ހުޅަނގު ޖާވާގެ ފަރުބަދަމަތީ ސަރަހައްދުތަކަށް 371 މިލިޓީަރުގެ (އެވްރެޖްކޮށް ވެހޭ ވަރަށްވުރެ ތިން ގުނަ އިތުރަށް) ވާރޭވެހި ސިލިވުންގްއާއި ސިސަޑާނޭ ކޯރުތައް ފުރިގެން ބަންޑުންވުމެވެ.
އޭނާ ވިދާޅުވި ގޮތުގައި ހާލުގައި ޖެހިފައިވާ މީހުން ރައްކާތެރި ސަރަހްދުތަކަށް ގެންދިއުމަށާއި، ފެންބޮޑުވެފައިވާ ސަރަހައްދުތަކުން ޕަންޕު ބޭނުންކޮށްގެން ފެން ހިންދުމަށް އެހީތެރިންގެ 1 ލައްކަ 20 ހާސް މީހުން ވަނީ ނެރެފައެވެ.
ސިވިލް އޭވިޝަންގެ ޑިރެކްޓަރު ޕޮލާނާ ޕްރަމެސްޓީ ވިދާޅުވިގޮތުގައި ފެން ބޮޑުވުމު ސަބަބުން ޖަކާޓާގެ ހަލީމް ޕެރްދަނާކުސުމާ ޑޮމެސްޓިކް އެއާޕޯޓު ވަނީ ބަންދުކުރެވިފައެވެ. އެހެންކަމުން، 19 ހާހެއްހާ ދަތުރުވެރިން ވަނީ ނުފުރި، އެއާޕޯޓުގައި ތާށީވެފައެވެ.
ރަށުގެ އަސާސީ ޚިދުމަތްތަކާއި، ވަތުއޮނިގަނޑަށް ނުތަކާވަރަށް މީހުން ގިނަވެ ސަބަބުން ޖަކާޓާ ހަލުވިކަމާއެކު އަޑިއަށް ދާތީ، އިންޑޮނޭޝިޔާ އެހެން ސަރަހެއްދެއްގައި އާ ވެރިރަށެއް ބިނާކުރުމަށް އެގައުމުގެ ސަރުކާރުން މިހާރު ވަނީ ނިންމާފައެވ
