ވަގު ޕާސްޕޯޓެއް ބޭނުންކޮށް ގެން ރާއްޖެއަށް އެތެރެވާން އުޅުނު ބިދޭސީއަކު ބަންދުކޮފިއެވެ.
މޯލްޑިވްސް އިމިގްރޭޝަނުން ވިދާޅުވީ އެމީހާ ރާއްޖެ އެތެރެވާން މަސައްކަތް ކޮށްފައިވަނީ ވެލާނާ އިންޓަރނޭޝަނަލް އެއާޕޯޓު ތެރެއިން ކަމަށެވެ. އިމިގްރޭޝަނުން އަތުލައިގެންފައިވަނީ ޢުމުރުން 31 އަހަރުގެ ފިރިހެނެކެވެ.
"ނަކަލު ކޮށްފައިވާ ޕާސްޕޯޓެއް ބޭނުން ކޮށްގެން ވެލާނާ އިންޓަރނޭޝަނަލް އެއާޕޯޓުން ރާއްޖެ އެތެރެވާން މަސައްކަތްކުރި އެއްތިރީސް އަހަރުގެ ބިދޭސީ ފިރިހެނަކު މޯލްޑިވްސް އިމްގްރޭޝަނުން ހުއްޓުވައިފި،" އެތަނުން ކުރައްވާފައިވާ ޓުވީޓެއްގައި ވިދާޅުވެފައިވެއެވެ.
އެމީހާއަކީ ކޮން ގައުމެއްގެ މީހެއް ކަމެއްވެސް އިމިގްރޭޝަނަކުން ހާމައެއް ނުކުރެއެވެ. އަދި އެމީހާއާ ބެހޭ އެހެނިހެން އިތުރު މަޢުލޫމާތެއްވެސް ހާމައެއް ނުކުރެއެވެ. އިމިގްރޭޝަނުން މީގެ ކުރިންވެސް ވަނީ ވަގު ޕާސްޕޯޓު ބޭނުންކޮށްގެން ރާއްޖެއަށް ވަގަށް އެރެވާންއުޅުނު މީހުން ހިފަހައްޓައިފައެވެ.
