ރައީސުލްޖުމްހޫރިއްޔާ އިބްރާހިމް މުޙަންމަދު ސޯލިޙް "އެގޮތުގައި ހުންނެވިހާ ހިނދަކު" ރައީސް ސޯލިޙުގެ ފަހަތްޕުޅުގައި ހުންނަވާނެ ކަމަށް ދީނީ އިލްމްވެރިޔާ ޑރ މުޙަންމަދު އިޔާޒް އަބްދުއްލަތީފް ވިދާޅުވިއެވެ.
ކީރިތި ރަސޫލާ އާއި އިސްލާމް ދީނަށް ފުރައްސާރަކޮށް ރިޕޯޓު ނެރުނު އެމްޑީއެން އުވާލަން ސަރުކާރުން ނިންމުމާއިއެކު، އެކަމަށް ޝުކުރާއި މަރުޙަބާ ވިދާޅުވެ ކުރެއްވި ޓްވީޓެއްގައި ޑރ އިޔާޒް ވިދާޅުވީ ރައީސް ސޯލިޙުގެ ފަހަތްޕުޅުގައި ހުންނަވާނެ ކަމަށާއި، ނަމަވެސް ނުރަނގަޅު ކަމެއް ދާނަމަ އެކަމެއް ކުރިޔަށް އޮތްތަނުގައިވެސް ފާހަގަ ކުރައްވާނެ ކަމަށެވެ.
"ރައީސް ސޯލިޙު އެގޮތުގައި ހުންނެވިހާ ހިނދަކު އަޅުގަނޑުމެން ތިބޭނީ އެމަނިކުފާނުގެ ފަހަތްޕުޅުގައި. އިންޝާﷲ. ނުރަނގަޅުކޮށް ކަމެއް ދާނަމަ އެކަން ފާހަގަ ކުރުމަށްވެސް ފަސްނުޖެހޭނަން. އިންޝާﷲ" ޑރ އިޔާޒް ޓްވިޓާގައި ވިދާޅުވިއެވެ.
ޑރ އިޔާޒް މިއަދު ކުރެއްވި އެހެން ޓްވީޓެއްގައި ވިދާޅުވީ އެމްޑީއެން އުވާލުން ލަސްވި ނަމަވެސް އެކަން ކުރެއްވީތީ ރައީސް ސޯލިޙުގެ ސަރުކާރަށް ޝުކުރު ދަންނަވާ ކަމަށާއި، ކުށެއް ކޮށްފިނަމަ އެންމެންވެސް ހަމަހަމަ ވާންޖެހޭނެ ކަމަށެވެ.
"އެމްޑީއެން އިން ވަނީ ވަރަށް ބޮޑު ކުށެއް ކޮށްފައި. އެހެންވީމާ އެކުށުގެ އަދަބު އެމީހުންނަށް ދެވެންޖެހޭނެ." އިޔާޒް ވިދާޅުވިއެވެ.
ޑރ އިޔާޒް އަކީ އެމްޑީއެން އުވާލުމަށް ގޮވާލެއްވި ދީނީ އިލްމްވެރިންގެ ތެރެއިން އެންމެ އިސްކޮށް އެކަމުގައި އަޑު އުފުއްލެވި އިލްމްވެރިންގެ ތެރެއިން ފަރާތެކެވެ.
Majubooru vegen thikan thikuranee.hadhaane hama ithuru eggothehves nethee
Dheenee ilmverinnakee hasadhain ekkibaavefaivaa islamdheenah nasrah edhey bayakah vaajehe eve.