ކްރިމިނަލް ކޯޓުގެ އިސް ގާޒީ އަހުމަދު ހައިލަމް ސަސްޕެންޑް ކުރުމަށް ޖުޑީޝަލް ސާވިސް ކޮމިޝަނުން މިއަދު ހެނދުނު ބޭއްވި ބައްދަލުވުުގައި ނިންމައިފިއެވެ.
ހައިލަމް ސަސްޕެންޑް ކުރައްވަން ނިންމެވީ މި އަހަރުގެ ނަސްރުގެ ދުވަހުގެ ތަހުނިޔާ ވިދާޅުވުމުގެ ގޮތުން ކްރިމިނަލް ކޯޓުގެ މުވައްޒަފުންގެ މެދުގައި މަޝްވަރާ ކުރުމަށްޓަކައި ހަދާފައިވާ ވައިބަރ ގުރޫޕަކަށް ލެއްވި ފޮޓޯ މެސެޖަކާ ގުޅިގެންނެވެ. އެ މެސެޖު އާއްމު ވުމާއެކު ހައިލަމްގެ ސުލޫކީ މައްސަލައެއް ބައްލަވަން ޖޭއެސްސީން ނިންމެވިއެވެ.
ޖޭެސްސީގެ މިއަދުގެ ބައްދަލުވުމަށް ރައްޔިތުންގެ މަޖިލީހުގެ ރައީސް ވަޑައިގަތުމުން މިއަދު ބޭއްވުނު ރައްޔިތުންގެ މަޖިލީހުގެ ޖަލްސާގައި ސަރުކާރާ އިދިކޮޅު މެންބަރުން ވަނީ އަޑު އުފުއްލަވައި އިހުތިޖާޖު ކުރައްވައިފައެވެ. ރައްޔިތުންގެ މަޖިލީހުގެ ރައީސަކީ ޖޭއެސްސީގެ މެންބަރެކެވެ.
ހައިލަމް ސަސްޕެންޑް ކުރުމާއެކު ރައީސް ޔާމީންގެ މައްޗަށް އުފުލިފައިވާ މަނީ ލޯންޑަރިން ނުވަތަ ކަޅު ފައިސާ ހަލާލު ފައިސާއަށް ބަދަލު ކުރައްވާން މަސައްކަތް ކުރެއްވުމުގެ ދައުވާގެ އަޑު އެހުންވެސް ވަނީ ކެންސަލް ކުރައްވައިފައެވެ. މިއަދު މެންދުރު ފަހު 1.30 ގައި ބާއްވާ ޝަރީއަތުގެ މަޖިލީހުގައި ރައީސް ޔާމީންގެ މައްޗަށް ހުކުން އިއްވާ ގޮތަށް އޮތީ ހަމަޖެހިފައެވެ.
