އެމްއެންޑީއެފް ފަޔަރ އެންޑް ރެސްކިއު ސަރވިސްއިން މާލޭގައި ހުރި ގުދަންތައް ބަލާ ފާސް ކުރުމުގެ ޕްރޮގްރާމެއް މިއަދު ފަށައިފިއެވެ.
މި ޕްރޮގްރާމުގެ ދަށުން ބަލާ ފާސްކުރެވޭ ޢިމާރާތް، ހަދާފައިވާ ގޮތާއި ޢިމާރާތާއި ގުޅޭ މަޢުލޫމާތާއި ގުދަނުގައި މުދާ ރައްކާކޮށްފައިހުރި ގޮތާއި ކަރަންޓް ވަޔަރިންގ ހުރީ ރައްކާތެރިކޮށްތޯ އާއި ޢިމާރާތުގެ ވެންޓިލޭޝަން ހުރި ގޮތް ބަލާ ފާސްކުރުމަށް ހަމަޖެހިފައިވަނީ ހަމަޖެހިފައެވެ. މީގެ އިތުރުން ވޯކްޝޮޕް ފަދަ ތަންތަނުގައި ވެލްޑިންގ މަސައްކަތްކުރާނަމަ އެމަސައްކަތްތައް ކުރެވެނީ ސަލާމަތީ ގޮތުން އަޅަން ޖެހޭ ފިޔަވަޅުތައް އެޅުމަށްފަހުތޯ އާއި ރައްކާތެރިވުމުގެ ގޮތުން ބޭނުންކުރަންޖެހޭ އާލާތްތައް ބޭނުންކުރޭތޯ ބެލުމަށްވެސް ވަނީ ހަމަޖެހިފައެވެ.
މިއަދުން ފެށިގެން އެއް މަސް ދުވަހުގެ މުއްދަތަށް ހިންގާ މި ޕްރޮގްރާމުގައި ބަލާފާސް ކުރެވޭ ޢިމާރާތުގައި އަލިފާނުން ރައްކާތެރިކޮށްދޭ ނިޒާމް ހުރިތޯ ބަލާ އެތަކެތި ހުރި ހާލަތަކާ ގުޅޭ މަޢުލޫމާތު ހޯދުމަށްވަނީ ހަމަޖެހިފައެވެ. އަދި މާލޭގައި ހުރި ގުދަންތަކުގެ އިތުރުން ރެސްޓޯރަންޓް، ކެފޭ ތަކުގެ ބަދިގެ އާއި ވޯކްޝޮޕް ފަދަ ތަންތަނުގެ ސަލާމަތީ ކަންކަންވެސް ބަލާ ފާސް ކުރާގޮތަށް ވަނީ ހަމަޖެހިފައެވެ.
