މިރޭ ބާއްވަން ހަމަޖައްސައިފައިވާ ޝައިޙް އިލްޔާސްގެ "ލޮނބުވެތި ނަބިއްޔާ!" ދަރުސް މޫސުން ތަން ނުދިނުމުގެ ސަބަބުން ފަސްކޮށްފިއެވެ. މި ދަރުސް ބާއްވަން ރާއްވަވައިފައި އޮތީ މިރޭ އަލިމަސް ކާނިވަލްގައެވެ.
"ލޮބުވެތި ނަބިއްޔާ!" މި މަޢުޟޫއަށް ޝައިޙް އިލްޔާސްގެ ދަރުސެއް ބޭއްވުމަށް އަދާލަތު ޕާޓީން ހަމަޖައްސަވައިފައިވަނީ، އެމްޑީއެންގެ ރިޕޯރޓްގައި ލޮބުވެތި ރަސޫލާ ޞައްލައްﷲ ޢަލައިހި ވަސައްލަމަގެ ޝަޚްޞިއްޔަތާ ގުޅޭ ގޮތުން ދޮގު ވާހަކަތަކެއް ފަތުރައިފައިވާ ދުވަސް ވަރެއްގައެވެ. މިމައްސަލަ ދީނީ ޢިލްމުވެރިން ހިމެނިވަޑައިގަންނަވާ ގޮތަށް ދިވެހިންގެ ގިނަ ބަޔަކު ދަނީ ކުށްވެރިކޮށް އެމްޑީއެން އުވާލުމަށް ގޮވާލަމުންނެވެ.
