6:02 ޤައުމީ ސަލާމުން ރަސްމިއްޔާތު ނިންމާލައިފި.
5:56 ވަނަ ހޯދި ޓީމާއެކު ރައީސް އިބްރާހީމްގެ ދެ ކަނބަލުންނާއި، ކުރީގެ ރައީސުލް ކަމަށްވާ ރައީސް މައުމޫނާއި ރައީސް ނަޝީދާއި، ނާއިބު ރައީސް ފައިސަލް ނަސީމް ފޮޓޯއެއް ނަންގަވަނީ.
5:50 މިނިސްޓަރ މަހުލޫފް އައިއޯއައިޖީގެ ދިދަ ރައީސް އިބްރާހީމަށް އަރުވައިފި.
5:50 ޔޫތު އެންޑް ސްޕޯޓްސް މިނިސްޓަރ އަޙުމަދު މަހުލޫފް ވާހަކަ ދައްކަވަނީ. މިނިސްޓަރ ވަނީ މި ގޭމްސަށް ދިޔަ ޓީމުގައި ހިމެނޭ ހުރިހާ ކުދިންނާއި ކުދިންގެ ބެލެނިވެރިންނަށް ޝުކުރު އަދާ ކުރައްވާފައި.
5:42 މިހާރު ކުރިއަށްދަނީ ޓީމަށް މަރުޙަބާ ކިޔުމުގެ ގޮތުން ޖަމާލުއްދީން ކުދިން ގެނެސްދޭ މަރުޙަބާގެ ނެށުމެއް.
5:37 ރަންވަނަ ހޯދި ޓީމުގެ ކުޅުންތެރިންނާ ރައީސް އިބްރާހީމް މުޙައްމަދު ޞާލިޙާއި، މަޖިލީސްގެ ރައީސް މުޙައްމަދު ނަޝީދާއި، ކުރީގެ ރައީސް މައުމޫން އަދި ނާއިބު ރައީސް ފައިސަލް ނަސީމް މިހާރު ގެންދަވަނީ ސަލާމް ކުރައްވަމުން.
5:34 ރަންވަނަ ހޯދި ޓީމު މާލެއަށް ފޭބީ ރަސްމީ ޢިއްޒަތުގައި. ޤައުމީ ދިދައިގެ ހިޔަލުގައި.
5:29 ރަންވަނަ ހޯދި ޓީމު މާލެ ފޭބުމުން ކޮންމެ ގުޅުންތެރިއަކަށް ވަނީ މަލުގެ ގުލްދަސްތާއަކުން ވެދުން ކޮށްފައި.
5:25 ރަންވަނަ ގެނައި ޓީމް ދަތުރުކުރާ ދޯނީ އެއް ނަމްބަރު ފާލަމަށް ލަފައިފި.
5:23 ޓީމަށް މަރުޙަބާ ދަންނަވާ ސަރަޙައްދަށް ރައީސް މައުމޫން ވެސް ވަޑައިގެންފި.
5:18 ރަންމެޑަލް ހޯދި ޓީމު މާލެއައުމަށް ހުޅުމާލެއިން ފުރައިފި.
5:16 ރަންމެޑަލް ހޯދި ޓީމަށް މަރުޙާބާ ދަންވާ ރަސްމިއްޔާތަށް ރައީސުލް ޖުމްހޫރިއްޔާ އިބްރާހީމް މުޙައްމަދު ޞާލިޙު ދެންމެ ވަޑައިގެންފި.
5:15 ރަންމެޑަލް ހޯދި ޓީމަށް މަރުޙާބާ ދަންވާ ރަސްމިއްޔާތަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުވެސް ވަޑައިގެންފި.
5:12 ރަންމެޑަލް ހޯދި ޓީމަށް މަރުޙާބާ ދަންވާ ސަރަޙައްދަށް ރާއްޖޭގެ ނާއިބު ރައީސް ފައިސަލް ނަސީމާއި، ބައެއް މިނިސްޓަރުން ވަޑައިގެންފި.
5:10 ރަންމެޑެލް ހިފައިގެން ރާއްޖެއައި ޓީމު މާލެ އަންނައިރު އެމީހުންނަށް މަރުޙަބާ ކިޔަންވަރަށް ގިނަ މީހުން އަންނަނީ ޖުމްހޫރީމައިދާނަށް ޖަމާވަމުން އެބަދޭ.
5:07 ވަރަށް އަވަހަށް މާލެ ދިޔުމަށްޓަކައި ޓީމު ފުރާނެ. ޓީމު މިހާރުވަނީ ވީއައިޕީއަށް ވަދެފައި.
5:06 ދިވެހި ޓީމު ބޯޓުން ފައިބައި. މަރުޙަބާ ދެންނެވުމުގައި ބައެއް ވަޒީރުންނާއި ސަރުކާރުގެ ބައެއް އިސްބޭފުޅުން އެބަތިއްބެވި.
ރަންވަނަ ހޯދި ޓީމު ދަތުރުކުރި މޯލްޑިވިއަންގެ ބޯޓު މިހާރުވަނީ ވެލާނާ އިންޓަރނޭޝަނަލް އެއާޕޯޓަށް އައިސްފައި.4:43
މި ފަހަރުގެ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގައި ރާއްޖެއަށް ފަޚުރުވެރި ރަންވަނަތަކެއް ހޯދައިދީ ޤައުމު ޝަރަފްވެރި މަޤާމަކަށް ގެންގޮސްދިން ދިވެހި ކުޅުންތެރިންނަށް ރާއްޖެއިން ހޫނު މަރުޙާބައެއް ކިޔުމަށް ސަރުކާރުން ތައްޔާރުވެއްޖެއެވެ.
މި ގޭމްސްގައި ރާއްޖެއިން ވަނީ 15 މެޑަލް ހޯދައި މުބާރާތަށް ދިޔައިރު ކަނޑައެޅު ލަނޑުދަނޑި ޙާސިލް ކޮށްފައެވެ. ރާއްޖެއިން މެޑަލް ހޯދި ކުޅިވަރުތަކުގެ ތެރޭގައި ހިމެނެތުނީ ޓޭބަލް ޓެނިސް، ބެޑުމިންޓަން، އެތުލެޓިކްސް، ބީޗުވޮލީއެވެ.
މި ވަނަތައް ހޯދި ކުޅުންތެރިންނަށް މަރުޙަބާ ކިޔުން އޮންނާނީ ޖުމްހޫރީމައިދާން ސަރަޙައްދުގައެވެ. މި ރަސްމިއްޔާތުގައި ރައީސުލް ޖުމްހޫރިއްޔާ އިބްރާހީމް މުޙައްމަދު ޞާލިޙު ބައިވެރިވެވަޑައިގަންނަވާނެ ކަމަށް މަޢުލޫމާތު ލިބިފައިވެއެވެ.
މިފަހަރުގެ މުބާރާތް ބާއްވާފައިވަނީ މޮރިޝަސްގައެވެ. ރާއްޖެއިންވަނީ މިމުބާރާތުން 4 ރަން މެޑަލް ހޯދައިފައެވެ. ޓޭބަލް ޓެނިހުންވަނީ ތިން ރަމެޑަލް ހޯދައިފައެވެ. ރާއްޖެ އަށް ދެން ރަން މެޑަލް ލިބިފައިވަނީ ބެޑުމިންޓަނުންނެވެ.
