އދ. ދިގުރަށުން ފަތުރުވެރިއަކު ގެއްލިގެން ހޯދަމުންދަނިކޮށް ފެނިއްޖެ ކަމަށް ފުލުހުން ވިދާޅުވެއްޖެއެވެ.
ފުލުހުންގެ މިޑިއާއިން ވިދާޅުވީ އޭނާއަކީ ޢުމުރުން 38 އަހަރުގެ އަންހެނެއް ކަމަށެވެ. އެމީހާ ގެއްލިގެން ފުލުހަށް ރިޕޯޓު ކޮށްފައިވަނީ ރޭ 8:30 އެހައިކަންހާއިރުއެވެ. ރިޕޯޓު ލިބުމާއެކު ފުލުހުންނާއި ދިގުރަށު ރައްޔިތުން ގުޅިގެން އޭނާ ހޯދުމުގެ މަސައްކަތް ފެށި ކަމަށް ފުލުހުން ވިދާޅުވިއެވެ.
އޭނާ ހޯދަމުން ދަނިކޮށް ފެނިފައިވަނީ އެރަށު މޫދުގައި އޮއްވައި ރޭ ދަންވަރުގެ 2:00 ގައި ކަމަށް ފުލުހުން ވިދާޅުވިއެވެ. ފެނުނުއިރު އޭނާގެ ޙާލު ރަނގަޅު ކަމަށް ފުލުހުން ވިދާޅުވިއެވެ. އެހެންނަމަވެސް އޭނާއާ ބެހޭ އިތުރު އެއްވެސް މަޢުލޫމާތެއް ފުލުހުން ހާމަކޮށްފައެއް ނުވެއެވެ.
