ސިނަމާލެ ބުރިޖު ހައިވޭއިން ދުއްވާފައި ދިޔަ ޕިކަޕެއް ކޮންޓްރޯލް ނުވެ ގޮސް އެމްޓީސީސީ ބަހެއްގައި ޖެހި އެކްސިޑެންޓް ވެއްޖެއެވެ.
މަޢުލޫމާތު ލިބިފައިފައިވާ ގޮތުގައި ދާދި ދެންމެ މި އެކްސިޑެންޓް ހިނގީ ހުޅުމާލެ ކޮޅުން މޭލެއަށް ބާރު ސްޕޑުގައި ދުއްވާފައިދިޔަ ޕިކަޕެއް ކޮންޓްރޯލް ނުވެގޮސް މާލެއިން ހުޅުމާލެއަށް ދަތުރުކުރި ލޭނުންދިޔަ ބަހުގައި ޖެހިގެންނެވެ.
ފުލުހުން ވިދާޅުވީ ޕިކަޕް ކޮންޓްރޯލް ނުވީ އޭގެ ދެ ފުރޮޅު ފަޅައިގެން ދިޔުމުގެ ސަބަބުންނެވެ. ކޮންޓްރޯލް ނުވެދިޔަ ވަގުތު ހައިވޭގެ މެދުގައި ޖަހައިފައިވާ ފެންސްގައި ޕިކަޕްޖެހި ފެންސް ވެސް ވަނީ ފަޅައިގެން ގޮސްފައެވެ.
މި އެކްސިޑެންޓުގައި ޕިކަޕަށްވަނީ ވަރަށްބޮޑަށް ގެއްލުންވެފައެވެ. ބަހަށްވެސް ކޮންމެވެސް ވަރެއްގެ ގެއްލުންވެފައިވާ ކަމަށް މަޢުލޫމާތު ލިބިފައިވެއެވެ. މި އެކްސިޑެންޓުގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ފުލުހުން ވިދާޅުވއެވެ.
