މިނާފުށް ލައްވާ ބަޑިއެއް މާލެއިން ހޯދައިފިއެވެ. ފުލުހުން ވިދާޅުވީ އެ ބަޑިފެނިފައިވަނީ އިސްލާމިކު ޔުނިވަރުސިޓީ ފުރަގަހުގައި އޮންނަ ޕާކުތެރެއިން ކަމަށެވެ. ބަޑި ފެނުނުއިރު އޮތީ އެތާތިބި ބައެއްގެ ކައިރީގައެވެ. ބަޑި ފެނުނީ ރޭ ދަންވަރު 1:32 އެހައިކަންހާއިރު އެވެ.
ފުލުހުން ވިދާޅުވީ މި މައްސަލައާ ގުޅިގެން 22 އަހަރުގެ މީހަކު ފުލުހަށް ހާޒީރުކޮށް ސުވާލު ކުރުމަށްފަހު ދޫކޮށްލައިފައިވާ ކަމަށެވެ. ބަޑި މިހާރު އޮތީ ފުލުހުންގެ ބެލުމުގެ ދަށުގައެވެ. ފުލުހުން ގެންދަނީ މައްސަލަ ބަލަމުންނެވެ.
މިނާފުށް ލައްވާ ބަޑިއަކީ އަކީ ފިހާރަތަކުން ވެސް ލިބެން ހުންނަ އެއްޗެކެވެ. އެހެންނަމަވެސް ރޭ ފެނުނު ބަޑި ފުލުހުންގެ ބެލުމުގެ ދަށަށް ގެންދިޔައީ ކީއްވެ ކަމެއް އެނގިފައެއް ނުވެއެވެ. ފުލުހުން ވެސް އެއަށް ރަސްމީ ކޮމެންޓެއް އަދި ނުކުރައްވައެވެ.
