ޔޫތު ލީޑަރސް ނެޓްވޯކުގެ މިއަހަރުގެ ދެވަނަ ޔޫތު ލީޑަރސް ފޯރަމް މާދަމާރޭ ފަށާނެ ހޯމް މިސްޓްރީން ވިދާޅުވެއްޖެއެވެ.
މި ފޯރަމް ބާއްވާނީ ހުޅުމާލެ ހުރަވީ ސްކޫލްގައެވެ. ބާއްވާ ފޯރަމް ހުޅުވުމުގެ ރަސްމިއްޔާތު ޝަރަފްވެރިކޮށްދެއްވާނީ ރައީސުލްޖުމްހޫރިއްޔާގެ ނާއިބު ފައިސަލް ނަސީމް ކަމަށް ހޯމް މިނިސްޓްރީން ވިދާޅުވިއެވެ،
މިފަހަރުގެ ފޯރަމްގައި ކޮލެޖް، ޔުނިވަރސިޓީތަކުން 150 ދަރިވަރުން ބައިވެރިވާނެއެވެ. ފޯރަމްގެ ދަންފަޅިތައް ކުރިއަށްގެންދާނީ ހުކުރު އަދި ހޮނިހިރު ދުވަހުއެވެ.
މިފަހަރުގެ ފޯރަމް އަމާޒުކޮށްފައިވަނީ "ތަހައްމަލުކުރުމުގެ ޘަޤާފަތް - މުޖުތަމަޢުގެ ހަމަޖެހުން" މި ޝިޢާރުގެ މައްޗަށެވެ. ޝިއާރާ ގުޅުންހުރި ތަފާތު ހަ ދާއިރާއަކުން ތަޖުރިބާ ލިބިވަޑައިގެންތިއްބެވި ބޭފުޅުން މި ފޯރަމުގައި މައުލޫމާތު ޙިއްޞާކޮށް، މަޝްވަރާކުރައްވާނެ ކަމަށް ވެސް މިސްޓްރީން ވިދާޅުވެފައިވެއެވެ.
މިނިސްޓަރ އޮފް ހޯމް އެފެއާޒް ޢިމްރާން ޢަބްދުﷲ ވެސް ފޯރަމްގައި ސެޝަނެއް ނަންގަވައި ދެއްވާނެއެވެ.
ޔޫތު ލީޑާރސް ނެޓްވޯކުން ވަނީ މިހާތަނަށް އައްޑު އަތޮޅާއި، ފުވައްމުލަކާއި، ހދ.ކުޅުދުއްފުއްޓާއި، ލ.ގަމާއި، ދ.ކުޑަހުވަދޫއާއި، ގއ.ވިލިނގިލީގެ އިތުރުން ހޯރަފުށީގައިވެސް ފޯރަމް ކުރިއަށްގެންގޮސްފައެވެ. މިއަހަރުގެ ފުރަތަމަ ފޯރަމް ފެބްރުއަރީ މަހު ބޭއްވީ ހޯރަފުށީގައެވެ.
