ފަރީދީ މަގުން ހިނގާފައި ދިޔަ ބިދޭސީއެއްގެ އަތުން ރޭ ފޭރިގެންފައިވާ ފޯނެއް ފުލުހުން ހޯދައިފިއެވެ.
ފުލުހުން ވިދާޅުވީ އެ ފޯން ހޯދައިފައިވަނީ ސިނަމާލެ ބްރިޖު ދަށުގައި ފޮރުވާފައި އޮއްވައި ކަމަށެވެ. މި މައްސަލައާ ގުޅިގެން މިހާތަނަށް އެއްވެސް މީހަކު ބަންދު ކޮށްފައެއް ނުވެއެވެ.
އެ މީހާ އަތުން ފޯނު ފޭރުނު މައްސަލަ ފުލުހަށް ރިޕޯޓު ކޮށްފައިވަނީ ރޭ 9:10 އެހައިކަންހާއިރުއެވެ. ސިނަމާލެ ބްރިޖު ދަށުގައި ފޮރުވާފައި އޮތް ފޯނު ފުލުހުންނަށް ފެނިފައިވަނީ މިއަދު ހެނދުނު 9:25 އެހައިކަންހާއިރު އެވެ.
ފުލުހުން ގެންދަވަނީ މި މައްސަލަ ބައްލަވަމުންނެވެ.
