ޖިންސީއަނިޔާގެ ސަބަބުން މަރުވިކަމަށް ތުހުމަތުކުރެވޭ ގދ. ތިނަދޫ ތޭންކު ޒިޔާދާ ނައީމުގެ ފިރިމީހާ ގދ. ތިނަދޫ ޖަވާހިރުމާގޭ ދެކުނު، އިބްރާހީމް ޝާހުގެ މައްޗަށް ދައުލަތުން ދައުވާ އުފުލައިފިއެވެ.
މިއީ ފިރިމީހާ އަނބިމީހާއަށް ޖިންސީ އަނިޔާކޮށްގެން މީހެއްގެމައްޗަށް ދައުލަތުން ދައުވާކުރި ފުރަތަމަ ފަހަރެވެ. އެ މައްސަލައިގެ ޝަރިޢަތުގެ ފުރަތަމަ އަޑުއެހުން ކްރިމިނަލް ކޮޓުގައި އޮންނާނީ މިއަދު 2:00 ގައެވެ. މީގެއިތުރުން މީހަކު މަރުވެދިޔުމުގެ ފަރުވާކުޑަ އަމަލެއް ކުރުމުގެ ދައުވާ އާއި މީހަކު މަރުވެދިޔުމުގެ އިހުމާލުގެ އަމަލެއް ކުރުމުގެ ދައުވާވެސް ޝާހުގެމައްޗަށްވަނީ އުފުލާފައެވެ.
އަނބިމީހާއަށް ޖިންސީ އަނިޔާކޮށްގެން ޝާހުގެމައްޗަށް ދަޢުވާކޮށްފައިވަނީ ޖިންސީ ކުށުގެ ގާނޫނުގެ 20 ވަނަ މާއްދާގެ ދަށުންނެވެ.
ޒިޔާދާ މަރުވެފައިވަނީ އައިޖީއެމްއެޗުގައި ވެންޓިލޭޓަރުގެ އެހީގައި ފަރުވާ ހޯދަމުން ދަނިކޮށް މިދިޔަ އަހަރުގެ ޑިސެމްބަރު މަހުގެ 28 ވަނަ ދުވަހުގެ ރޭގެ ވަގުތެއްގައެވެ.
