އެމެރިކާއާއި ތުރުކީގެ ގުޅިފައިވާ ކޯލިޝަނުން ސޫރިޔާއަށް ވަނީ، ޙަލަބުގެ ޖަރަބުލުސް ސިޓީން އައިއެސް ފައްސާލުމަށްކަމަށް އެފަރާތުން ހާމަކުރެއެވެ.
ހައްދު ފަހަނައަޅާފައިވާ އައިއެސް ޖަމާޢަތުގެ ބާރު އަދިވެސް އޮތް ސޫރިޔާގެ ހަލަބުގެ ޖަރަބުލުސް އިން އައިއެސް ފައްސާލުމަށް ތުރީގެ ޓޭންކަރުތަކުގެ ފައުޖެއް ސޫރިޔާއަށް ވަދެގެންފިއެވެ. މިއީ އެމެރިކާއާއި ތުރިކީގެ ގުޅިގައިވާ ފައުޖުތަކުން އައިއެސްއާދެކޮޅަށް ކުރާ ހަނގުރާމައަށް އެހީވުމަށް ދިޔަ ފައުޖެއްކަމަށް ކަމާބެހޭ ފަރާތްތަކުން ޚަބަރުދެއެވެ.
ތުރުކީ އަސްކަރިއްޔާގެ އޮފިޝަލަކާ ޙަވާލާދީ އެޤައުމުގެ ސްޓޭޓް މީޑިއާއިން ޚަބަރުދޭގޮތުގައި ބުދަދުވަހުގެ ހެނދުނުގެ ވަގުތެއްގައި ތުރީގެ އަސްކަތިއްޔާގެ ޓޭންކަރުތަކުގެމައްޗަށް ހިމެނޭ ޚާއްސަ ފައުޖެއްވަނީ ސޫރިޔާއަށް ވަދެފައެވެ. އައި އެސްއާ ދެކޮޅަށް އެސަރަހައްދުގައި ބިންމަތީގެ ވަރުގަދަ އޮޕަރޭޝަނެއް ފެށުމުގެކުރިން ވައިގެ މަގުން ޚަމަލާދީ މަގުތައް އަމާންކުރާނެކަމަށްވެސް ތުރުކީގެ އަސްކަރިއްޔާއާ ޙަވާލާދީ ޚަބަރުތައް ބުނެއެވެ.
ފަހަކަށްއައިސް އީރާޤާއި ސޫރިޔާގައިވެސް އައިއެސްއާ ދެކޮޅަށްވަނީ ބޮޑެތި ކާމިޔާބީތައް ހޯދިފައެވެ. އަދި އައިއެސްގެ އަތްދަށުން ބައެއް ރަށްރަކާއި މުހިންމު ސަރަހައްދުތައްވަނީ ސަލާމަތްކުރެވިފައެވެ.
