ޕީޕަލަސް ނެޝަނަލް ކޮންގްރެސް (ޕީއެންސީ) އުފައްދަން ޕީޕީއެމްގެ މުދަލާއި ވަސީލަތްތައް ބޭނުން ކޮށްފައިވާ ކަމަށާއި އެހެންނަމަވެސް ޕީއެންސީ އުވައި ނުލެވޭނެ ކަމަށް އެ މައްސަލަބެލި ކޮމިޓީން ނިންމައިފިއެވެ.
ޕީއެންސީ އުފެއްދުމަށް ހުރިހާ މަސައްކަތެއް ވެސް ކުރައްވައިފައިވަނީ ޕީޕީއެމް ގެ މުދަލާއި ވަސީލަތް ބޭނުންކޮށް ގެން ކަމަށް ބުނެ އިލެކްޝަން ކޮމިޝަނަށް މީހަކު ހުށަހެޅި މައްސަލަ ބެލުމަށް ފަހު ޕީއެންސީ އުވައިނުލެވޭނެ ކަމަށް ހަމަކުރެއްވީ އެމައްސަލަ ބަލަން އިލެކްޝަނުން އެކުލަވާލި ކޮމިޓީންނެވެ.
އެ ކޮމެޓީން އިން މިއަދު ނޫސްވެރިންނަށް މަޢުލުމާތު ދެއްވަމުން ވިދާޅުވެފައިވަނީ ޕީއެންސީ އުފެއްދުމަށް ޕީޕީއެމްގެ މުދަލާއި ވަސީލަތްތައް ބޭނުން ކޮށްފައިވާ ކަން ކޮމިޓީއަށް ސާފުކޮށް އެނގިފައިވާ ކަމަށެވެ. ކޮމިޓީން ވިދާޅުވީ ސިޔާސީ ޕާޓީތަކުގެ ޤަވާޢިދަށް ބަދަލު ގެންނަވައި ގެޒެޓް ކުރައްވައިފައިވަނީ ޕީއެންސީ އުފައްދަން ހުއްދަ ދިން ފަހުން ކަމަށާއި، އެހެން ކަމުން ޕީއެންސީ އުވައިނުލެވޭނެ ކަމަށެވެ.
ސިޔާސީ ޕާޓީތަކުގެ ޤަވާޢިދަށް ގެނެސްފައިވާ ބަދަގައިވާ ގޮތުން ހިނގަމުންދާ ޕާޓީއެއްގެ މުދަލާއި ވަސީލަތް ބޭނުން ކޮށްގެން އަލަށް ޕާޓީއެއް އުފައްދާނަމަ އަލަށް އުފައްދާ ޕާޓީއަށް ދީފައިވާ ހުއްދަ ބާތިލް ކުރެވިދާނެ ކަމަށެވެ.
ޕީއެންސީއަކީ ޕީޕީއެމްގެ އިސްބޭފުޅުންތަކެއް ޕީޕީއެމުން ވަކިވެ ވަޑައިގެން އުފެއްދެވި ޕާޓީއެކެވެ.
