ޕެރަޑައިސް އައިލެންޑް ރިސޯޓުގައި ޗުއްޓީ ހޭދަކުރަމުން ދިޔަ ޗައިނާގެ ފަތުރުވެރިއަކު މަރުވެފައި އޮއްވައި ރޭ ފެނިއްޖެއެވެ.
ޢުމުރުން 36 އަހަރުގެ އެމީހާ މަރުވެފައި އޮއްވައި ފެނިފައިވަނީ އޭނާ އުޅުނު ކޮޓަރިން ކަމަށް ފުލުހުން މަޢުލޫމާތު ދެއްވިއެވެ. އޭނާ ފެނިގެން މާލެ ގެނެސް އޭޑީކޭ ހޮސްޕިޓަލަށް ވަނީ ގެންގޮސްފައެވެ. ފުލުހުން ވިދާޅުވީ ހޮސްޕިޓަލަށް ގެނައި އިރުވެސް މަރުވެފައިވާ ކަމަށް އެތަނުން ވިދާޅުވެފައިވާ ކަމަށެވެ.
މި މަޢުލޫމާތު ލިބިފައިވަނީ ރޭ ދަންވަރު 1:30 ގައި ކަމަށް ވެސް ފުލުހުން ވިދާޅުވިއެވެ. މިކަމާ ބެހޭ އިތުރު މަޢުލޫމާތެއް ފުލުހުން ނުދެއްވައެވެ. މިއީ މަމަހު ޕެރަޑައިސް އައިލެންޑް ރިސޯޓުން މަރުވި 3 ވަނަ މީހާއެވެ. މީގެ ކުރީ ދެމީހުން މަރުވެފައިވަނީ ގެނބިގެންނެވެ.
