ސިނަމާނެ ބްރިޖު ހައިވޭއިން ދަތުރުކުރި ވޭނަކާއި ސައިކަލެއް ޖެހި މީހަކަށް އަނިޔާވެގެން ހުޅުމާލެ ހޮސްޕިޓަލަށް ގެންގޮސް ފަރުވާދޭން ފަށައިފިއެވެ.
މި އެކްސިޑެންޓުގައި އަނިޔާވެފައިވަނީ ސައިކަލް ދުއްވަން އިން މީހާއަށެވެ. މިއަދު 2:55 އެހައިކަންހާރު އެމީހާ ހޮސްޕިޓަލަށް ގެންގޮސްފައިވަނީ ފުލުހުންގެ ވެހިކަލެއްގައެވެ.
ހުޅުމާލެ ހޮސްޕިޓަލުން ވިދާޅުވީ އެމީހާގެ ވާތުފައިގެ ކުޑަހުޅުގެ ކަށިގަނޑު ވަނީ މަސްގަނޑު ފަޅައި ބޭރަށް ނުކުމެފައި ކަމަށެވެ.
އެމީހާއަކީ ޢުމުރުން 61 އަހަރުގެ މީހެއް ކަމަށް ފަޔަށް ލިބިފައިވާ އަނިޔާގެ އިތުރަށް ބޮޑު އެހެން އަނިޔާއެއް އޭނާއަށް ލިބިފައި ނުވާކަމަށް ވެސް ހޮސްޕިޓަލުން ވިދާޅުވިއެވެ.
ހުޅުމާލޭގައި މިއަދު ހެނދުނު ހިނގި އެކްސިޑެންޓެއްގައި ދެމީހަކަށް އަނިޔާވެގެން ވެސް ވަނީ ހުޅުމާލޭ ހޮސްޕިޓަލަށް ގެންގޮސްފައެވެ. އަނިޔާވެފައިވަނީ 58 އަހަރުގެ މީހަކާއި، 54 އަހަރުގެ މީހަކަށެވެ. 58 އަހަރުގެ މީހާގެ ބޮލަށްވަނީ އަނިޔާވެފައެވެ. އަދި ކަނާތް ވަނީ ބިނދިފައެވެ. 54 އަހަރުގެ މީހާއަށް ވެސް ވަނީ އެކިވަރުގެ އަނިޔާ ވެފައެވެ. މި އެކްސިޑެންޓުގައި 58 އަހަރުގެ މީހާ ދުއްވަން އިން ސައިކަލު ފަހަތުގައި ޢުމުރުން 8 އަހަރުގެ ކުއްޖަކު ވެސް އިނެވެ. އެހެންނަމަވެސް އޭނާއަށް އެއްވެސް އަނިޔާއެއް ލިބިފައެއް ނުވެއެވެ.
މި އެކްސިޑެންޓް ހިނގީ ހުޅުމާލެ ނިރޮޅު މަގުގައެވެ. އެކްސިޑެންޓްވީ ކާރެއްގައި ސައިކަލަކާއި ބައިސްކަލެއް ޖެހިގެންވެ.
