ހެންވޭރު ގެއެއްގެ ފަސްވަނަ ބުރިން ކުޑަ ކުއްޖަކު ވެއްޓިއްޖެއެވެ. ފުލުހުން ވިދާޅުވީ ވެއްޓިފައިވަނީ ޢުމަރުން 14 އަހަރުގެ އަންހެން ކުއްޖެއް ކަމަށެވެ. އޭނާ ވެއްޓިފައިވަނީ ޖެހިގެންހުރި ގޭގޭ ފުރާޅުމައްޗަށެވެ.
އެކުއްޖާއަށް މިހާރު ގެންދަނީ އައިޖީއެމްއެޗުގެ އިމަޖެންސީ ރޫމުގައި ފަރުވާ ދެމުންނެވެ. މިޙާދިސާގައި އެކުއްޖާގެ ބޯވަނީ ފަޅައިގެން ގޮސްފައެވެ. މިހާރު އޭނާގެ ޙާލު ރަނގަޅު ކަމަށް އައިޖީއެމްއެޗުން ވިދާޅުވިއެވެ.
އެކުއްޖާ ވެއްޓެން މެދެވެރިވި ސަބަބެއް އަދި އެނގިފައެއް ނުވެއެވެ. މިޙާދިސާ ހިނގާފައިވަނީ މެންދުރު 2:20 ގައެވެ.
