މިއަދު ހަވީރު ސެނަހިޔާ ކައިރިން ހިނގި އެކްސިޑެންޓެއްގައި މީހަކަށް އަނިޔާވެއްޖެއެވެ.
ފުލުހުން ވިދާޅުވީ ހަވީރު 5:00 އެހައިކަންހާއިރު ދެ ސައިކަލް ޖެހިގެން ހިނގި މިއެކްސިޑެންޓުގައި އަނިޔާވީ އެކަކަށް ކަމަށާއި އޭނާއަށް ސެނަހިޔާގައި ފަރުވާ ދެމުންދާ ކަމަށެވެ. އެހެންނަމަވެސް ސީރިއަސް އަނިޔާއެއް ލިބިފައިވާ ކަމުގެ މަޢުލޫމާތު ލިބިފައި ނުވާ ކަމަށް ފުލުހުން ވިދާޅުވިއެވެ.
ރޭވެސް ވަނީ ސެނަހިޔާ ކައިރގައި ހިނގި އެކްސިޑެންޓެއްގައި ދެމީހަކަށް އަނިޔާވެފައެވެ. އެ އެކްސިޑެންޓުގައި އަނިޔާވެފައިވަނީ 51 އަހަރުގެ ފިރިހެނަކަށާއި، 40 އަހަރުގެ އަންހެނަކަށް ކަމަށް ވެސް ފުލުހުން ވަނީ ވިދާޅުވެފައެވެ. އެ ދެމީހުންނަށް ސެނަހިޔާއިން ފަރުވާ ދިނުމަށްފަހު އިތުރު ފަރުވާއަށް ވަނީ އައިޖީއެމްއެޗަށް ބަދަލުކޮށްފައެވެ.
