ބްލޫ ލެގޫން ޕްރައިވެޓް ލިމިޓެޑުން ދައުލަތުގެ ޓެކްސް އިދާރާ (މީރާ) އަށް ދައްކަންޖެހޭ ބީޕީޓީއާއި، އެ ނުދައްކައިގެން އަރައިފައިވާ ޖޫރިމަނާއާއި އިންޓްރެސްޓް ފައިސާ ދެއްކުމަށް ސިވިލް ކޯޓުން އެކުންފުނީގެ މައްޗަށް މިއަދު ޙުކުމް ކުރައްވައިފިއެވެ.
މިރާއިން ވިދާޅުވެފައިވަނީ ބުލޫލެގޫން ކުންފުނިން މީރާއަށް ދައްކަން ޖެހެނީ ހަތަރުލައްކަ އަށްޑިހަ ހަ ހާސް ވިހި ޑޮލަރު ނުވަތަ ސާޅީސް ފަސް ހާސް ދުއިސައްތަ ފަންސާ ރުފިޔާ ކަމަށެވެ. އެފައިސާ ދެއްކައި ޚަލާސްކުރުމަށް ބުލޫލެގޫން ކުންފުންޏަށް ދީފައިވަނ 4 މަސް ދުވަހުގެ މުހުލަތެކެވެ.
މީރާއަށް ދައްކަންޖެހޭ ޓެކްސް ފައިސާ ދައްކަންޖެހޭ މުއްދަތުގައި ނުދެއްކުމުން ފައިސާ ދެއްކުމަށް އަންގައި ހަނދާން ކޮށްދެއެވެ. މީރާއިން އަންގާ ގޮތަށް ފައިސާ ނުދެއްކުމުން އެ މައްސަލައެއް ނިންމަނީ ކޯޓަށް ހުށަހަޅައިގެން ކޯޓު މެދުވެރިކޮށެވެ. މިފަދަ މައްސަލަތަށް އަދިވެސް ކޯޓުމަރުޙަލާގައި ވާކަމަށް މަޢުލޫމާތު ލިބިފައިވެއެވެ.
