
ޖުމެއިރާ ވިއްޓަވެލި ރިސޯޓްގައި ފަޔަރ ޑާންސަރެއްގެ ގޮތުގައި މަސައްކަތްކުރަމުން އައި ފިލިޕިންސް މީހަކު ކުއްލިގޮތަކަށް މަރުވެއްޖެއެވެ.
މަޢުލޫމާތު ލިބިފައިވާ ގޮތުގައި އޭނާ މަރުވެފައިވަނީ މިއަދު ބޭއްވި ޝޯއެއް ނިންމާލައިފައި ދަނިކޮށް ކަމަށެވެ. އެހެންނަމަވެސް އޭނާ މަރުވާން ދިމާވި ޙަޤީޤީ ސަބަބެއް އަދި ކަށަވަރު ވެފައެއް ނުވެއެވެ. އޭނާ މަރުވެފައިވަނީ ކަރާސީން ބޮވިގެން ކަމަށް ވެސް ޚަބަރު ފެތުރިފައިވެއެވެ. އެހެންނަމަވެސް އެކަން ކަށަވަރު ކުރެވޭ ގޮތެއް އަދި ނުވެއެވެ.
އޭނާ ވެއްޓުމުން މާލެ ގެނެސް އޭޑީކޭ ހޮސްޕިޓަލަށް ގެންދިޔަ ކަމަށް ފުލުހުން ވިދާޅުވިއެވެ. އެހެންނަމަވެސް އެތަނަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލުން މަޢުލޫމާތު ދެއްވި ކަމަށް ފުލުހުން ވިދާޅުވިއެވެ.