ހުޅުމާލޭގައި ހިންގި މަރާމާރީއެއްގައި އަނިޔާވި ދެމީހަކަށް ހުޅުމާލޭ ހޮސްޕިޓަލުގައި ފަރުވާދޭން ފަށައިފިއެވެ.
އެހޮސްޕިޓަލުން ވިދާޅުވީ އެތަނުން ފަރުވާ ދެމުން ގެންދަނީ އައްޑޫ ސިޓީއަށް ނިސްބަތްވާ ކުއްޖަކާއި ގދ. ރަތަފަންދުއަށް ނިސްބަތްވާ ކުއްޖަކަށް ކަމަށެވެ. އޭގެ ތެރެއިންއައްޑުއަށް ނިސްބަތްވާ 17 އަހަރުގެ ކުއްޖާއަށް ފަރުވާ ދެމުން ގެންދަނީ ބޭސްއަޅާ ކޮޓަރީގައެވެ. ރަތަފަންދޫ ކުއްޖާއަށް ފަރުވާދެމުން ގެންދަނީ އިމަޖެންސީ ރޫމުގައި ކަމަށް ހޮސްޕިޓަލުން ވިދާޅުވިއެވެ.
ދެމީހުންގެ ތެރެއިން ރަތަފަންދުއަށް ނިސްބަތްވާ ކުއްޖާއަށް ގައިގައި ގިނަ ޒަޚަމްތަކެއް ކުރި ކަމަށް ހޮސްޕިޓަލުން ވިދާޅުވިއެވެ. އޭނާ އަށް ލިބިފައިވަނީ ސީރިއަސް ޒަޚަމްތަކެއް ކަމަށާއި އެހެންނަމަވެސް އައްޑުއަށް ނިސްބަތްވާ ކުއްޖާ ސީރިއަސް ނޫން ކަމަށް ވެސް ހޮސްޕިޓަލުން ވިދާޅުވިއެވެ.
އެމީހުން ހޮސްޕިޓަލަށް ގެނެސްފައިވަނީ 12:10 އެހައިކަންހާއިރު ކަމަށް ވެސް ހޮސްޕިޓަލުން ވިދާޅުވިއެވެ.
މިމަރާމާރީއާ ގުޅިގެން ފުލުހުންވަނީ ދެމީހަކު ބަންދުކޮށްފައެވެ.
